لندن۔ 07 فروری (اے پی پی) وزیراعظم نا خصوصی کمکار سمندر پار پاکستانیز ذوالفقار عباس بخاری تینا مسہ دے ئی سرکاری دورہ غا برطانیہ غا سرمس۔ خصوصی کمکار برطانیہ نا چندی شار تے ٹی ’’پاکستان بناؤ سرٹیفکیٹس ‘‘ نا بابت اڈ ہلوک آ روڈ شواٹی بشخ ہلیک۔ روڈ شو انا اڈتننگ نا مسخت پیشن نا ملک آتے ٹی رہینگوک آ پاکستانی تے ملک اٹی براہ راست زرکاری کن اتنگ نا ءِ۔ خصوصی کمکار ذوالفقار بخاری برطانیہ نا دورہ غان پد قطر آ کاہک ہموڑے ہم روڈ شو اٹی بشخ ہلیک۔
