اسلام آباد۔ 07 فروری (اے پی پی) لندن اٹی پاکستانی ہائی کمشنر نفیس ذکریا پاکستانی و برٹش پارلیمنٹرینز نا شرف اٹی اِرغ اس تس۔ اِرغ اٹی وزیر خارجہ شاہ محمود قریشی خصوصی وڑاٹ شرکت کرے۔ صدر آزاد کشمیر سردار مسعود خان تون اوار پاکستانی و برٹش پارلیمنٹ نا باسک آک شرکت کریر۔ وزیر خارجہ شاہ محمود قریشی ملائیشیا آسٹریلیا و برطانیہ نا پارلیمنٹ نا باسک آتون گپ و تران کرسا پارے کہ کشمیر نا ویل ہراوخت اسکان ایسر مفک سویلی ایشیا ٹی امن مننگ کپک۔ جہانی برادری نا فرض ءِ کہ او کشمیر نا ویل ءِ ایسر کرفنگ اٹ تینا کڑد ءِ ادا کے۔ وزیر خارجہ شاہ محمود قریشی کشمیر کانفرنس نا سرسہب اڈتننگ آ پاکستانی ہائی کمشنر نفیس ذکریا نا کوشست آتا ستاء و مبارکبادی تس۔
