بنجاھی وزیر اھوالکاری ءُُ شنگ کاری فواد حسین ءِ ’’میڈیا لیب‘‘ لانچنگ مراگش ءَ گوں گشتانک

اسلام آباد۔ 6 فروری (اے پی پی) بنجاھی وزیر اھوالکاری ءُُ شنگ کاری چوہدری فواد حسین ءَ گوشت کہ ملک ءَ الیکٹرانک ءُُ پرنٹ میڈیا ءِ گیشتریں ادارگ آنی کراّ بزنس ریسرچ ءُُ منصوبگ بندی نیست اِنت ایشی ءِ بنیات ءَ میڈیا ءِ مٹ بوھوکیں موسم آں گوں گر ءُُ چیل بوھگ ءِ واستہ منصوبگ بندی بیت کنت، میڈیا انڈسٹری ءِ تاوان ءِ سیاسی معیشت ءَ گوں بندوک نہ اِنت بلکینگ ءَ ٹیکنالوجی ءَ اِنت، میڈیا پلیٹ فارمز ترندی ءَ گوں مٹ بوھگ ءَ انت، روایتی میڈیا ءِ اشتہار آنی آمدنی کموک ءُُ وھدیکہ گیر روایتی میڈیا ءِ گیش بوھگ ءَ اِنت، حکومت ءَ وتی شنگ ءُُ تالانی پالیشی مٹ کنان ءَ ایشرا ڈیجیٹل میڈیا ءِ تہ ءَ ھوار کتگ، نوں اشتہار آنی یک بھر کٹ ڈیجیٹل میڈیا ءَ را روت ۔ چار شمبے ءِ روچ ءَ ادا پاکستان ءِ اولی انکیوبیٹر اینڈ ایسیلیٹر فار ٹیک بیسڈ ڈیجیٹل میڈیا سٹارٹ اپ ’’میڈیا لیب‘‘ لانچنگ ءِ مراگش ءَ ھاسیں مہمان ءِ بستار ءَ گشتانک دیگ ءَ ات بنجاھی اھوالکاری وزیر ءَ گوشت کہ فیس بک انتظامی ءَ را گوشتگ کہ اگاں آ پاکستان ءَ چہ اشتہار زورگ لوٹ ایت گڈا آ ادا وتی کارگس ءِ پچ بہ کنت، گوزوکیں سال ءِ ساھت ءَ ھپت ارب کلدار ءِ ڈیجیٹل ایڈورٹائزنگ بیت ایشی ءَ چہ گیشتریں زرّ ڈن ءَ رونت، زرّ آئی ڈن ملک ءَ روان دیگ ءَ گر ءُُ دار ءِ ھاترا گامگیج ءِ ضلورت اِنت تانکہ ملک ءِ زرّ ملک ءِ تہ ءَ بہ بنت۔ آئی ءَ گوشت کہ نوکیں ٹیکنالوجی ءَ چہ سیت زورگ ءِ رد ءَ شنگ ءُُ تالانی ءِ ادارگ جوڑ کنگ ءِ ضلورت اِنت۔ آئی ءَ گوشت کہ ملک ءِ جتا جتائیں یونیورسٹی آں چہ ھمک سال ہزارآنی ورنا اھوالکارری ءُُ زانت ءُُ زانش در برگ ءَ پد فارغ بوھگ ءَ انت، ایشاناں نوکری چتور رسیت، اے ھوالگ ءَ نوں مارا نوکری ءَ چہ زیات انٹر پرینیور جوڑ کنگ لوٹ ایت۔