اسلام آباد۔ 6 فروری (اے پی پی) مزن وزیر عمران خان ءَ برطانیہ ءَ سیادی داروکیں اسلامی کیلی گرافی ءِ ازمکار مس سونیا ءَ گند ءُُ نند کت۔ مس سونیا ءَ گند ءُُ نند ءِ ساھت ءَ مزن وزیر ءَ را کیلی گرافی ءِ وتی جوڑ کتگیں نکان پیش کت۔ اے نکان ءِ تہ ءَ آئی ءَ مزن وزیر ءِ اکس جوڑ کتگ ءُُ ھمشی ءِ تہ ءَ راجی سوت ’’پاک سرزمین‘‘ نبشتگ انت۔ کیلی گرافی ءِ پڑ ءَ مس سونیا ءِ ازم سوشل میڈیا ءِ تہ ءَ سک نامدار بوتگ۔ سوشل میڈیا ءِ رد ءَ آٗی ءَ مزن وزیر ءَ گوں گند ءُُ نند ءِ دزبندی ھم کتگ بوتگ۔ آ اے گند ءُُ نند ءِ واستہ ھاسیں رنگ ءَ قطر ءَ چہ پاکستان ءَ اتکگ۔ مس سونیا ءَ مزن وزیر ءَ گوں تران کنان ءَ گوشت کہ تئی سیاسی کوشست ءُُ ویژن ءَ چہ سک باز متاثر آں، آئی ءَ گوشت کہ نوکیں پاکستان ءِ امیج ءَ را میاں اوستمانی پڑ ءَ سہرا کنگ ءِ واستہ ھمک رنگ ءِ کوشست ءِ واستہ تیار آں۔
