اسلام آباد ۔ 6 فروری (اے پی پی) بنجاہی وزیر تعلیم ءُُ کسبی ھیلکاری شفقت محمود ءَ تعلیم ءُُ پٹ ءُُ پول ءِ پراھی ءِ ھاترا وتی سرجم پلہ مرزی ءِ سدکی دیان ءَ گوشت کہ مئے ورناہانی ھاترا انفارمیشن ٹیکنالوجی ءِ تہ دیما روگ ءِ باز موہ ساڑی انت، معاشی و صنعتی پڑ ءَ را دیم جنجال ءِ سرا گرودار ءِ ھاترا پٹ ءُُ پولی کار باز ارزشت دار انت۔اے ھیالانی درشان آہاں انٹرنیشنل اسلامک یونیورسٹی ءِ نوکیں کیمپس ءِ تہ الفارابی کمپلیکس برائے پٹ ءُُ پول ءِ بنداتی ءِ موہ ءَ کتگ ۔بنجاہی وزیر ءَ کمپلیکس ءِ سئے مرکزاں بین المضامین سنٹر برائے پٹ ءُُ پول ،انکیوبیشن سنٹر ءُُ اسلامی دیمروئی بنک ءِ کمک ءَ گوں تیار کتگیں سنٹرفار ایڈوانسڈ الیکٹرانکس اینڈ فوٹو ولٹائک انجینئرنگ ءِ تروتاب کتگ ءُُ اے سنٹرانی بنداتی ھم کتگ۔بنداتی مراگش ءَ گوں تران کنان ءَ بنجاہی وزیر شفقت محمود ءَ گوشت کہ پاکستان ءِ آباتی ءِ مزنیں بہر ورناہاں ھوار انت ءُُ آہانی بود چہ پائدگ چست کنگ اولی دلگوشی انت۔آہاں گوشت کہ نوکیںءُُ باندات ءِ ٹیکنالوجی ءِ تہ زانتکاری چہ سوبمندی راھ پچ بیت ءُُ اے مکسد ءِ تہ شاھدربرے ھاسیں کرد انت۔اے موہ ءِ سرا یونیورسٹی ءِ نائب صدور، سنٹر فار ایڈوانسڈ الیکٹرانکس ءِ ایگزیکٹو ڈائریکٹر احمد شجاع سیّد، انکیوبیشن سنٹر ءِ ڈائریکٹرانجینئر احسن مرزا، سنٹر فار انٹر ڈسپلنری ریسرچ ءِ ڈائریکٹر ڈاکٹر عبدالحمید ءُُ دگہ ہمگرنچیں اگدھ داراں بہر زوراتگ۔(ن۔ا۔ج)
