کوئٹہ۔ 06 فروری (اے پی پی) صوبائی وزیر داخلہ میر ضیاء اللہ لانگو پارینے کہ بے گواہ بندغ آتا بازیابی کن او کوشست آتے ٹی اختہ ءِ و او دا ویل انا ایسرءِ ایسری اسکان سرکننگ اٹ پبی کڑد ادا کننگ ءِ۔ داخیال آتا درشانی ءِ او تینا دفتر اٹی بے گواہ بندغ مہر گل مری و ظفراللہ نا خاہوت آتون گپ و گران کرسا کرے۔ اوخیال آتا درشانی ءِ کرسا پارے کہ اونا جندی است خواہی و کوشست آتیان داوخت اسکان 28 نا خڑک بے گواہ بندغ بازیاب مسنو۔ صوبائی وزیر پارے کہ وزارت داخلہ نا قلمدان نا زمواری دامسخت کن قبول کرینٹ تانکہ او بے گواہ بندغ آتا بازیابی تون اوار بلوچستان نا الس ءِ مون تروک ایلو ویل آتے ایسر و الس ءِ ریلیف تننگ کے۔ صوبائی وزیر مہر گل مری و ظفراللہ نا خاہوت ءِ تسلی ترسا پارے کہ او دا ہڑتوم آتا بشمول ایلو تا بازیابی کن کوشست کننگ ءِ۔ داکان بیدس صوبائی وزیر تون اونا آفس اٹی چندی قبائلی و سیاسی شخصیت آک اوڑدہی کریر و تین پہ تینی معاملہ غاتیا گپ و تران کریر۔ صوبائی وزیر ایلو بروک آ سائل آتیان اوفتا ویل آتے ہم بِنگ و اوفتا ایسری کن تعلقدار کمامدار آتے پارت جاری کرے۔
