اسلام آباد ۔ 06 فروری (اے پی پی) بنجائی وزیر خزانہ اسد عمر پارینے کہ بنجا و صوبہ غاتا نیام اٹ مالیاتی معاملہ غاتیا امنائی اٹ فیصلہ کننگک، قومی مالیاتی کمیشن نا دیوان اٹی سجفنگ کن چندی معاملہ غاتا فہرست اس جوڑ کننگانے۔ او چارشنبے نادے آ نہہ می مالیاتی کمیشن (این ایف سی) نا دیوان آن پد میڈیا تون گپ و تران کریکہ ۔ اوپارے کہ اینو نا دیوان اٹی چندی معاملہ غاتیا 6ورکنگ پڑک جوڑ کننگ نا فیصلہ کننگانے ہرافتیان گڑاسے نا سرکڑدہ ہی ءِ صوبہ غاک وخت اس کہ اسہ پڑک نا سرکڑدہ ہی ءِ بنجاکیک۔ اوپارے کہ دا فیصلہ ءِ ہم کننگانے کہ این ایف سی نا بروک آ دیوان 6ہفتہ غان پد لاہور اٹی مریک وخت اس کہ اوکان پد کمیشن نا دیوان ایلو صوبہ غاتا دارالحکومت آتے ٹی ہم اڈتننگک۔ وزیر خزانہ پارے کہ بنجا ٹی این ایف سی سیکرٹریٹ اس جوڑ کننگ نا فیصلہ ءِ کننگانے۔ اوپارے کہ این ایف سی ٹی سجفنگ کن چندی معاملہ غاتا فہرست اس جوڑ کننگانے، ملک انا شونداری و السی شرحالی کن بنجاو صوبہ غاتا وسیلہ غاتے ودفنگ نا گرج آ زور شاغنگانے۔
