اسلام آباد۔ 06 فروری (اے پی پی) بنجائی وزیر اطلاعات و نشریات چوہدری فواد حسین پارینے کہ پنجاب نا سینئر وزیر علیم خان نا دزگیری آن پاکستان تحریک انصاف و ایلو سیاسی جماعت آتا کلچر نا پرخ واضح مسنے۔ چارشنبے نادے آ داڑے ہندی ہوٹل اٹی میڈیا لیب انا لانچنگ دود آن تران آن پد صحافی تتون گپ و تران کرسا بنجائی وزیر پارے کہ اینو نیب علیم خان ءِ بٹنگاسس، ہراتم نیب انا کنڈآن اودے پاننگاکہ نے دزگیر کننگ انگ ءِ تو او فی الفور وزیراعلیٰ پنجاب ءِ تینا استیفہ ءِ گدریفے ہراڑان پاکستان تحریک انصاف نا کلچر نا معلوم مریک کہ ننا جماعت احتساب نا عمل ءِ ہراوڑ سپورٹ کیک۔ اوپارے کہ علیم خان نا کیس انا فیصلہ آئین و کانود ءِ مون آ تخسا میرٹ آ مریک۔ بنجائی وزیر پارے کہ مہالو اعتراض کننگاکہ کہ نیب حکومت اٹی اوار بندغ آتے دزگیر کپک و داڑان بے بریبری نا درشانی ءِ کننگاکہ۔ ۔ اوپارے کہ علیم خان نا دزگیری آن پد داسہ اپوزیشن نا بروک آ بہانہ انتس مریک۔ بنجائی وزیر اطلاعات پارے کہ نن قومی ادارہ و احتساب نا پبی مخ تفی ءِ کینہ و کرسا کینہ۔ مسکوہی وزیراعظم و مسلم لیگ (ن) نا ساڑی باسک قومی اسمبلی شاہد خاقان عباسی نا نیب اٹی طلبی آ اسہ سوج اسے نا ورندی ٹی اوپارے کہ ننا دا طلبی یا جاست و پاست تون ہچ ءُ تعلق اس اف، نیب اسہ وت واجہ ءُ ادارہ اسے ہراتینا پالیسی نا وڑاٹ گام گیج کننگ ءِ۔
