اسلام آباد۔6فروری (اے پی پی) حال ءُ احیوالکاری ءُ شنگکاری ءِ بنجاہی وزیر چوہدری فواد حسین ءِ صحافی آں گوں گپءُ تران کتگءُ گشتگ کہ پنجاپ ءِ سینئر وزیر علیم خانءِ دزگیری ءَ چہ پاکستان تحریک انصاف ءُ دگہ سیاسی جماعتانی تپاوت پدّر بوتگ۔ چارشمبے ءِ روچءَ ہندی ہوٹلءَ میڈیا لیب ءِ چن ءُ لانچی مراگش ءَ گوں تران کنان ءَ پد صحافیاں گوں گپءُ تران کنانءَ بنجاہی وزیر ءَ گشتگ کہ مرچی نیب ءَ علیم خانءَ را لوٹ اِتگ، وہدے کہ آئیءَ را نیب ءِ نیمگءَ چہ ھال دیئگ بوتگ کہ ترا دزگیر کنگ بیت آئیءَ زوت پنجاپءِ سروزیر ءَ را وتی دست کشی دیم داتگ کہ ایشیءَ چہ پاکستان تحریک انصاف ءِ دودءُ ربیدگ زانگ بنت کہ چے وڑءَ مے جماعت احتساب ءِ عمل ءَ را پلگاریت۔ آئیءَ گشتگ کہ علیم خان ءِ کیسءِ فیصلہ آئین ءُ قانودءِ ردءَ میرٹ ءَ بیت۔ پیسرگیں مزن وزیر ءُ مسلم لیگ (ن) ءِ راجی اسمبلی ءِ انوگیں باسک شاہد خاقان عباسی ءِ نیب ءَ توار کنگءِ جستءِ پسوءَ آئیءَ گشتگ کہ مارا گوں اے طلبی ءُ جستءُ پُرسءَ گوں ہچ وڑیں دستءُ دعوا نیست، نیب یک و ت واجہیں ادارگ اِت کہ وتی رھبندانی ردءَ گامگیج چست کنگءَ اِنت۔
