اسلام آباد۔6فروری (اے پی پی) ملکءِ صدر ڈاکٹر عارف علوی ءَ گشتگ کہ معاشی ءُ معاشرتی دیمروئی چہ وانگءُ زانگءَ چہ کیئت، تعلیمی ادارگ پٹءُ پولءِ وسیلگءَ چہ پبلک پالیسی جوڑ کنگءَ وتی کردءَ پیلو بہ کنت۔ آئیءَ اے گپ چارشمبے ءِ روچءَ انٹرنیشنل اسلامک یونیورسٹیءِ ریکٹر ڈاکٹر معصوم یاسین زئی ءُ صد ر احمد یوسف درویش ءَ گوں گپ ءُ تران کنانءَ کتگ۔ ملک ءِ صدر ءَ گشتگ کہ میاں اوستمانی اسلامی یونیورسٹی وانگءُ زانگءِ پڑءَ بے مٹیں کرد پیلو کنگءَ اِنت۔ ملک ءِ صدر ءَ یونیورسٹی ءِ جدہ کیپمس جوڑ کنگ ءِ سوجءَ را ہم ساڑاتگ۔ صدرءَ یونیورسٹی ءَ را وتی کمک ءِ اوست داتگ۔ ملک ءِ صدرءَ ریکٹر ءُ یذیڈنٹ بین الاقوامی اسلامی یونیورسٹی ءِ کردءَ را ساڑاتگ۔
