اسلام آباد۔ 6 فروری (اے پی پی) مزن وزیر عمران خان ءَ گوشت کہ صوبگ آنی توک ءَ جتا جتائیں دمگ آنی دیمروئی کار آناں برجائی ءِ واستہ المی اِنت کہ لوکل گورنمنٹ سسٹم ءَ را مھکم کنگ بہ بیت ءُُ فنانس ایوارڈ ءَ را دل یکیمی کنگ بہ بیت، صوبگ آنی تہ ءَ سالڈویسٹ مینجمنٹ ھاسیں رنگ ءَ آکوٹ آں چہ ھاٹیگ پیداک کنگ ءِ نیمگ ءَ دلگوشی دیگ ءِ ضلورت اِنت۔ آئی ءَ اے گپ پاکستان تحریک انصاف ہزارہ ڈویژن ءِ قومی اسمبلی ءَ گوں سیادی داروک آں گوں تران کنان ءَ کت آئی ءَ چار شمبے ءَ مزن وزیر کارگس ءَ آئی ءَ گوں گند ءُُ نند کت۔ گند ءُُ نند ءَ وزیر ءِ ھاٹیگ عمر ایوب خان، پرنس نواز الائی، صالح محمد، علی خان جدون ءُُ عظمی ریاض ھوار اتنت۔ اے موہ ءِ سر ءَ ھاسیں کمکار نعیم الحق، ترجمان ندیم افضل گوندل، ملک عامر ڈوگر ءُُ ارشد داد ھم ساڑی ات۔ قومی اسمبلی ءِ باسک آں مزن وزیر ءَ را وتی وتی دمگ آنی الس آنی جیڈھ آں چہ سر پد کت۔ مزن وزیر ءَ گوشت کہ خیبر پختونخوا ءَ سیل ءُُ سواد ءِ سک باز ازمکار است، گوستگیں سئے سال آنی تہ ءَ صوبگ آنی تہ ءَ گریبی ءِ تہءَ کمیگ ءِ سبب ءَ سیل ءُُ سواد ءِ ودوکی اِنت، سیل ءُُ سواد ءَ را گیش پوٹینشل دیگ ءِ گامگیج کنگ ءَ آں ایشی ءَ چہ صوبگ ءِ تہ ءَ گیش وشھالی کئیت۔ آئی ءَ گوشت کہ سیل ءُُ سواد ءَ را دیمرؤی دیان ءَ اے گپ ءِ رد ءَ ھاسیں دلگوشی دیگ بیت کہ ھندی مردم آناں کاروبار ءِ گیشاں چہ گیش موہ ءِ پجاری بہ رس ایت۔
