اسلام آباد۔ 6 فروری (اے پی پی) مزن وزیر عمران خان ء۔ گوشت کہ بلوچستان ءِ الس آنی دیمروئی ھاسیں رنگ ءَ ورنا آناں بلدکار کنگ حکومت ءِ بنداتی کار ا،نت، سی پیک ءِ جوڑیشت ءُُ گوادر ءَ دیمروئی ءِ کار ءَ چہ بلوچستان ءِ الس آنی واستہ چاگردی ءُُ معاشی دیمروئی ءِ بے کساس موہ پیداک بیت۔ آئی ءَ اے گپ بلوچستان عوامی پارٹی ءَ گوں سیادی داروکیں قومی اسمبلی ءِ باسک آں گوں تران کنان ءَ کت آواں چار شمبے ءِ روچ ءَ مزن وزیر ءَ گوں گند ءُُ نند کت۔ گند ءُُ نند ءَ وزیر برائے دیمپانی پیداور زبیدہ جلال، ایم این اے سردار محمد اسرار ترین، خالد حسین ، احسان اللہ ریکی ءُُ روبینہ عرفان ھوار اتنت۔ ھاسیں کمکار نعیم الحق، ترجمان ندیم افضل گوندل، ملک عامر ڈوگر ءُُ ارشد داد ھم اے موہ ءِ سر ءَ ساڑی ات۔ گند ءُُ نند ءَ بلوچستان ءَ الس آنی بے آپی ءَ ھوار ایندگر جیڈھ آنی سر ءَ ھیال ریچی کنگ بوت۔ وزیر ءِ دیمپانی پیداور زبیدہ جلال ءَ ایسٹ بے پر ایکسپریس وے ءِ جوڑیشت ءَ گوں بندوکیں پیسیج وے ءَ چہ ماھیگ کُش آنی جیڈھ آنی بابت ءَ مزن وزیر ءَ را سرپد کت ءُُ پیسیج وے ءَ را مزن کنگ ءِ بابت ءَ لوٹ کت۔
