اسلام آباد۔ 06فروری (اے پی پی) پاک بحریہ پسنی نا خڑک سمند راٹی اینٹی نارکوٹکس آپریشن اٹی 30 ملین ڈالر آن زیات مالیت نا کم و ود 2000 کلوگرام چرس کوزہ ٹی ہلک۔ پاک بحریہ نا ترجمان نا رداٹ پاک بحریہ دا پیچیدہ آپریشن ءِ مستقل چاروکی، تین پہ تینی کمک و انٹیلی جنس نا بنداو آ کرے۔ ترجمان چارشنبے نادے آ جاری اسہ بیان اسے ٹی پارے کہ پین کارروائی کن چرس آتے اینٹی نارکوٹکس فورس انا حوالہ کننگانے۔ دا آپریشن پاکستان نیوی نا سمندری دنگ انا رکھ اٹی سرگرم مننگ نا پبی عکاسی ءِ کیک۔ ترجمان نا رداٹ پاک بحریہ تینا قومی زمواری تے پورو کننگ و بحر ہند اٹی کانود نا بالادستی ءِ برجاتخنگ کن پرعزم ءِ۔
