کوئٹہ۔ 06 فروری (اے پی پی) چیئرمین بی ڈی اے میجر ریٹائرڈ اکبر لاشاری پارینے کہ بلوچستان ڈویلپمنٹ اتھارٹی نا چاروکی ٹی آر او پلانٹ ایسری اسکان سرمس، آزمائشی بنداو تیا دیر انا فراوانی نا بناءِ کننگانے، بی ڈی اے نا پروجیکٹ نا سرسہبی ٹیم ورک انا بھرم ءِ، بی ڈی اے نا گوادر نا کرکی شار پسنی و جیوانی ٹی جاری ایلو ڈٹ آک ہم ہنداوڑاٹ سرسہبی اتون پورو کننگرہ۔ داخیال آتا درشانی ءِ او گڈانی ٹی آزمائشی بنداو تیا آر او پلانٹ آپریشنل کننگ نا دود آن تران کرسا کرے، داوخت آ ڈائریکٹر بی ڈی اے کیپٹن (ر) جاوید ہم ساڑی ئس، چیئرمین بی ڈی اے میجر ریٹائرڈ اکبر لاشاری پارے کہ بلوچستان ڈویلپمنٹ اتھارٹی لسبیلہ نا کرکی تحصیل گڈانی ٹی بی ڈی اے کمپلیکس نا ڈٹ آ ہم ترندی اٹ کاریم کننگ ءِ، 18 کروڑ روپئی آن زیات خڑچ انا ڈٹ اٹی شپ بریکنگ یارڈ اتون تعلقدار محکمہ غاتے کن دفتر جوڑ کننگ انگ ءِ ، اومستی پارے کہ ننا کوشست ءِ کہ دا ڈٹ تخوک آ وخت آن مست پورو مریر، چیئرمین بی ڈی اے میجر اکبر لاشاری پارے کہ گڈانی ٹی واقع پول آتا جوڑ کننگ و جوڑ جاڑ کن پی سی ون ءِ تیار کننگانے زوت منظوری آن پد اوفتیا ہم کاریم نا بنامریک۔
