کوئٹہ۔ 06 فروری (اے پی پی) پاکستان مسلم لیگ ن نا بنجائی سینئر نائب صدر سینیٹر سردار یعقوب خان ناصر پارینے کہ کشمیر پاکستان نا اٹوٹ انگ ءِ، کل قوم کشمیر نا جہد آجوئی ٹی کشمیری الس تون تفوک ءُ، بھارت کشمیری الس آ بیدادی کننگ ءِ بند کے و اقوام متحدہ نا قرارداد آتا رداٹ کشمیری الس نا جہد آجوئی ءِ امنا کے۔ داخیال آتا درشانی ءِ او یکجہتی کشمیر نا وخت آ اڈ ہلوک آ دود آن تران کرسا کرے۔ سینیٹر سردار یعقوب خان ناصر پارے کہ تحریک آجوئی نا ودوک آ لہر آن بھارت خوفزدہ ءِ مگر انشاء اللہ ہمو دے مر اف ہراتم مقبوضہ وادی ٹی آجوئی نا دے ٹک ایتک، پاکستان کشمیر نا ویل انا ایسری ءِ اقوام متحدہ نا قرارداد آتے مون آ تخسا خواہک، کشمیری ایلمک حق خودارادیت نا خاطر بے مٹ قربانی تسر ہراوخت اسکان کشمیر نا ویل ایسر مفک بھارت تون تعلقداریک جوان مننگ کپسہ، اوپارے کہ کشمیر پاکستان نا اسہ سوگو ءُ بشخ اسے ، کل قوم کشمیر نا جہد آجوئی ٹی کشمیری الس تون تفوک ءُ، بھارت کشمیر الس آ بیدادی ءِ بند کے و اقوام متحدہ نا قراردادآتارداٹ کشمیری الس نا جہد آجوئی ءِ امنا کے۔
