اسلام آباد ۔ 5 فروری (اے پی پی) صدر مملکت ڈاکٹر عارف علوی ءَ گوشت کہ اقوام متحدہ زوربرتگیں کشمیر ءِ ھوالہ گوں وتی منگ نامہ ءَ عمل ءَ سدکی داریت ءُُ مقبوضہ کشمیر ءِ ھوالہ چہ فیکٹ فائنڈنگ کمیشن ءِ رپورٹ ءَ بھارتی زلم ءُُ زوراکی ءِ پردہ چاک کتگ ، بھارت مقبوضہ کشمیر ءِ دراھیں سیاسی بندیاں را یلہ دات ،سلاھ ءُُ معصومیں کشمیریانی سرا پیلٹ گنز ءِ کارمرزی ءَ بند کن ایت،وادی ءِ تہ سیاھگیں کانود ءَ ھلاس کن ایت،حریت راھشون ءَ را دری ملک ءِ سفر ءِ اجازت ءَ دات،بھارت انسانی ھقانی مبصرانی ھاترا کشمیر ءِ راھ ءَ پچ کن ایتءُُ بھارت میاں اوستمانی ءُُ سوشل میڈیا ءِ ھاترا کشمیر ءِ سرا بندش ءَ ھلاس کن ایت۔کشمیر ءِ معاملا ءِ تہ بھارتی آئین ءِ آرٹیکل 370ءِ ہچ ارزشت نیست انت۔اے ھیالانی درشان آہاں سئے شمبے ءَ ایوان ءِ صدر ءِ تہ یوم یکجہتی کشمیر ءِ ھوالہ سیمینار ءَ گوں تران کنان ءَ کتگ انت۔ صدر مملکت ءَ گوشت کہ بھارت ءَ کشمیرانی جدوجہد ءَ ھون ءَ گوں رنگ داتگ، پاکستان ءَ جیڈھ کشمیر ءِ حل ءِ ھاترا اقوام متحدہ ءِ منگ نامہ ءِ سرا اعتماد کتگ، کشمیر مروچی ھم ہند ءِ بہر ءُُ بانگ ءِ نامکمل ایجنڈہ انت،کشمیر پاکستان ءِ شہ رگ انت۔ بھارت مقبوضہ وادی ءِ تہ اجتماعی عصمت دری ءَ را آلہ کار ءِ وڈ ءَ کارمرز کنگ انت۔ ڈاکٹر عارف علوی ءَ گوشت کہ سوشل میڈیا ءِ جہد کار برہان وانی ءِ مثال دراھانی دیما انت ، مودی ءِ تروتاب مقبوضہ وادی ءِ عکس توان انت کہ کشمیری بھارت ءَ گوں ھوار نہ بنت۔آہاں گوشت کہ کشمیر ءِ تہ بیوکیں یک یک داستان دگنیا ءِ دیما ایر کنگ بنت۔کشمیر ءِ باندات ءِ پیسلہ ایوکا کشمیریاں را کنگی انت۔پاکستان ءَ گوستگیں 70سال ءَ چہ امن ءِ ھاترا دست دیما کتگ۔ پاکستان ءِ ایمنی ءِ واھشت ءَ را بھارت ہروھد رد کتگ۔
(
