اسلام آباد ۔ 5 فروری (اے پی پی) صدر مملکت ڈاکٹر عارف علوی ءَ یک رندے پدا کشمیری گہار براتاں را سدکی داتگ کہ پاکستان کشمیر ءِ باروا وتی اصولی گپ ءِ سرا سرجمیں وڈ ءَ کاربند انت۔دراھیں پاکستانی راج اے دلیریں جدوجہد ءِ تہ وتی کشمیری براتاں گوں پجی ءَ اوشتاتگ انت،ہمہ کہ وتی جائز ءِ حق خودارادیت ءِ زورگ ءِ ھاترا کوشست کنگ انت،مارءَ پکہ ءِ یقین انت کہ کشمیری وتی جدوجہد ءِ تہ الم سوبمند بنت۔آہاں اے گپ یوم یکجہتی کشمیر ءِ موہ ءَ وتی کلوھ ءِ تہ کتگ ہمہ کہ (مروچی) سئے شمبے 5فروری ءَ گوازینگ بوھگ انت۔آہاں گوشت کہ 5فروری حق خودارادیت ءِ زورگ ءِ ھاترا کشمیریانی جزم ءَ را ستا پیش کنگ ءِ روچ انت۔اے موہ ءِ سرا حکومت پاکستان ءُُ ایشی ءِ مہلوک وتی کشمیری گہار براتاں ءُُ ھاسکر سرجمیں دگنیا ءِ سرا پدر کتگ کہ مہ جموں ءُُ کشمیر ءِ دراجیں وھد چہ حل طلب جیڈھ ءُُ بھارت ءِ زوربرتگیں کشمیر ءِ سرا قوضہ ءِ ھلاپ ءَ کشمیریانی جہد ءَ را نہ شموشت ۔آہاں گوشت کہ بھارت ’’مسلح جنگجوؤں کو ہلاک‘‘کنگ ءِ دروگیں بیان ءِ رند ءَ وتی ناشرکاری ءَ را جواز دیگ ءِ کوشست کنگ انت بلے آں وتی اے کوشست ءِ تہ سرجمیں وڈ بے سوب بوتگ۔ آہاں گوشت کہ بھارت ءِ نیمگا چہ زوربرتگیں کشمیر ءِ مہلوک ءِ سرا زلم ءُُ انسانی حقانی سکیں ھلاپ ورزیانی سرا میاں اوستمانی براھندگی ءِ بے حسی چہ کشمیریانی تہ شک ودی بوھگ انت کہ میاں اوستمانی براھندگی ءِ دودیمی تب ءَ گوں کار کنگ انت،بھارت ءَ را انسانی حقانی ھلاپ ورزی ءِ سرا ہچ سزا نہ ملگ انت وھدیکہ انسانی حقانی ھلاپ ورزی ءِ ایر ھم جنئگ مہ بوھگ انت ایشی ءَ چہ اقوام متحدہ ءِ انسانی حقانی چارٹرایوکا لبزی انت۔آہاں گوشت کہ اقوام متحدہ ءِ کارگِس برائے انسانی حقوق ہائی کمشنر ءِ رپورٹ پیسلہ کن موڑ ءُُ سرجمیں دگنیا ءِ کشمیری براھندگی ءِ ھاترا سنگ میل ءِ ارزشت ایر کنگ انت۔ پاکستان رپورٹ ءِ تہ داتگیں صلاح ءِ سرجمیں پلہ مرزی کنگ انت ءُُ لوٹ کنگ انت کہ رپورٹ ءِ شفارشات ءِ ردا بھارتی زوربرتگیں کشمیر ءِ تہ انسانی حقانی ھلاپ وزریانی پٹ ءُُ پول ءِ ھاترا کمیشن آف انکوائری ءِ ہڈ دیگ ءِ ھاترا ترندی ءَ بیا اریت۔آہاں گوشت کہ مہ وتی کشمیری گہار براتاں را سدکی دیگ ات کہ مہ کشمیرءِ باروا وتی اصولی گپ ءِ سرا سرجمیں وڈ ءَ کاربند انت،سرجمیں پاکستانی راج اے دلیدریں جدوجہد ءِ تہ وتی کشمیری براتاں گوں اوشتاتگ انت ہمہ کہ وتی جائز حق خود ارادیت ءِ زورگ ءِ ھاترا کنگ انت،مارءَ پکہ یقین انت کہ کشمیری وتی جدوجہد ءِ تہ الم ءَ سوبمند بنت۔
