اسلام آباد ۔ 5 فروری (اے پی پی) مزن وزیر عمران خان ءَ گوشت کہ یوم یکجہتی کشمیر ،کشمیری راج ءِ حق خود ارادیت ءِ زورگ ءِ ھاترا غیر متزلزل جزم ءِ نوک کنگ ءِ روچ انت ہمہ کہ ہمک گوزوکیں روچ ءَ گوں پکہ بوھگ انت۔آہاں اے گپ یوم یکجہتی کشمیر ءِ درگت ءَ وتی کلوھ ءَ گوشت ہمہ کہ مروچی 5فروری ءَ دارگ بوھگ انت۔مزن وزیر ءَ گوشت کہ ھپت دھک گوزگ ءِ ابید جموں ءُُ کشمیر ءِ جیڈھ ءِ حل نہ بوتگ،زوربرتگیں کشمیر ءِ تہ بے ڈوھیں مردمانی قتل ءُُ کوش ،چکانی سرا پرپیلٹ تیرکاری ،آبروریزی ءُُ لٹ ءُُ کُٹ ءِ ھوار بھارتی زلم ءُُ زوراکی جاڑی انت ءُُ کشمیری وتی ہمت ءُُ دلیری ءَ گوں حق خودارادیت ءِ زورگ ءِ ھاترایکشل ءَ کوشاں انت۔مزن وزیر ءَ گوشت کہ کشمیریانی نیمگا چہ 70چہ گیش سالاں دراج انت بھارتی زلم ءُُ زوراکی ءُُ قوضہ ءِ ھلاسی ءِ لوٹ کنگ بوھگ انت۔آہاں گوشت کہ 1947ءِ پدا چہ معصومیں کشمیریانی سرا بھارتی فوج ءِ نیمگا چہ کتگیں تشّدد، بے حرمتی ءِ واکیہ ءُُ زلم ءُُ زوراکی یک مقدمہءِ دروشم انت۔ہزاراں بے ڈوھیں کشمیریاں را بے رحمانہ تشدد ،درکانودی حراست ءِ ساعت ءَ بھارتی اُردو سفاکانہ وڈ ءَ قتل کنگ انت۔مزن وزیر ءَ ہائی کمشنر برائے انسانی حقوق کارگس ءِ زوربرتگیں کشمیر ءِ باروا رپورٹ ءِ ھوالہ دات ہمہ کہ میاں اوستمانی براھندگی ءَ چہ یکشلہ کتگیں لوٹ ءِ تائید کنگ انت،ایشی ےِ تہ بھارت ءِ سفاکانہ جارحیت،کوریں تیرءُُ گولا باری ،کشمیریانی انسانی شیلڈ ءِ وڈ ءَ کارمرز کنگ ءُُ بھارتی سلاھ بندیں فوج ،حاسیں پاور ایکٹ ءُُ پبلک سیفٹی ایکٹ ایشی ءِ آسر ءَ کشمیریانی زند جہنم بوتگ انت،ءِ نیمگا دلگوشی دیگ بوتگ۔آہاں گوشت کہ ہمک سال 5فروری ءَ دارگ بیوکیں یوم یکجہتی کشمیر کشمیریانی بھارت ءِ زلم ءُُ زوراکی ءِ ھلاپ ءُُ حق خود ارادیت ءِ ھاترا جزم ءَ را تاگت دیگ انت۔
