اسلام آباد۔4فروری (اے پی پی) حالءُ احیوالکاریءُ بنجاہی وزیر چوہدری فواد حسینءَ گشتگ کہ مزن وزیر عمران خان ءَ صحافیاں کارءُ روزگارءَ چہ درکنگ ءِ سرءَ تکانسریءِ درشانی کتگ، روزگارءَ چہ درکتگیں صحافیاں گوں گندءُ نند کنگ بیت، پاکستان میڈیا ریگولیٹری اتھارٹی( پی ایم آر اے ) ءِ جوڑ کنگءِ مولءُ مراد صحافی آنی روزگارءَ رکھینگ اِنت۔ آ دوشمبے ءِ رچءَ ہندی روہتاک ءِ نیمگءَ چہ روزگارءَ درکتگیں صحافیانی کیمپ ءِ ترءُ تابءِ موہءَ گپءُ تران کنگءَ بوتگ۔ بنجاہی وزیر چوہدری فواد حسین ءَ گشتگ کہ ما پاکستان میڈیا ریگولیٹری اتھارٹی ہم جوڑ کنگءَ آنت، پہ صحافیانی دلبڈی ءِ یک فورمے بہ بیت۔ آئیءَ گشتگ کہ ما صحافیاں گوں ہم کوپگ اَنت۔ آئیءَ گشتگ کہ گوستگیں حکومت ءِ 50درسد واجبات ادا کتگ اَنت، پہ میڈیاءِ مردماں ہرچی کُت کن اَنت کنگءَ اَنت۔
