اسلام آباد۔4فروری (اے پی پی ) مزن وزیر عمران خان ءِ سروکی ءَ اکنامک ایڈوائزی کونسل ءِ دیوان دوشمبے ءِ روچءَ بوتگ۔ دیوانءَ ملکی معیشت ءِ جاورھال ، معیشت ءِ محکمی ءِ ھاترءَ حکومتءِ نیمگءَ چہ کتگیں گامگیج ءُ باندات ءِ کارانی سرءَ چارءُ تپاس کنگ بوتگ۔ دیوانءَ حزانگءِ وزیر اسد عمر، منصوبہ بندی ءِ بنجاہی وزیر خسرو بختیار، بیپاری صلہ کار عبدالرزاق داؤد، صوبائی وزرا خزانہ ہاشم جوان بخت ءُ تیمور سلیم خان، مزن وزیر ءِ صلہ کار ڈاکٹر عشرت حسین ، گورنر سٹیٹ بنک طارق باجوہ، ڈاکٹر اشفاق حسن، ڈاکٹر اعجاز نبی (ٹیلیفون)، ڈاکٹر عابد سلہری، ڈاکٹر نوید حامد، سید سلیم رضاءُ دگہ مردم ہوار بوتگ اَنت۔ حزانگءِ وزیر ءِ نیمگءَ چہ جنوری ءِ ماہءَ معاشی گہتری آہگءَ ہوار یجٹلائزیشن، ڈیٹ مینیجمنٹ کارگس ءَ محکم کنگءِ وڑیں گامگیجانی سرءَ شونشت داتگ۔ کواّسانی نیمگءَ چہ ملکی معیشت ءِ محکمی ءِ ہوالگءَ بازیں سوجے دیماءَ آرگ بوتگ۔
