اسلام آباد ۔ 4 فروری (اے پی پی) بنجاہی وزیر ریلوے شیخ رشید احمد ءَ گوشت کہ نواز شریف ءِ گوما ہچ ڈیل کنگ مہ بیت،آصف زرداری حکومت چہ رلیف زورگ ءِ کوشست ءَ کنگ انت بلے آں سوبمند مہ بنت‘ پاکستان تحریک انصاف ءِ راھشون ملک چہ کرپشن ءِ گِرودار ءِ ھاترا حاکمی ءَ اتکگ انت۔یک جندی ٹی وی چینل ءِ گوما گپ ءُُ تران کنان ءَ آہاں گوشت کہ مزن وزیر عمران خان پُرجزم انت کہ این آر او ءِ دروشم ءَ کسے ءَ را رعایت دیگ مہ بیت۔آہاں گوشت کہ پیسریگیں مزن وزیر محمد نواز شریف ہمہ کرپشن ءِ آسر ءَ بندی جاھ ءِ تہ انت گوں آہاں ہچ ڈیل کنگ مہ بیت ءُُ رعایت ھم دیگ مہ بیت۔آہاں گوشت کہ پیسریگیں صدر آصف علی زرداری ءَ را منی لانڈرنگ ءُُ کرپشن ءِ کیسانی تہ پٹ ءُُ پول ءِ دیمپان انت حکومت چہ رلیف زورگ ءِ جہد کنگ انت بلے آں سوبمند مہ بیت۔آہاں گوشت کہ تحریک انصاف کرپشن ءِ ھلاسی ءِ ھاترا حاکمی ءَ آتکگ۔بنجاہی وزیر ءِ گوشگ ات کہ پاکستان پیپلزپارٹی ءِ چیئرمین بلاول بھٹو زرداریءَ را منی ھلاپ ءَ ردیں زبان کارمرز کنگ ءَ پہلی لوٹگ بیت‘اے وڈیں تب آہاں را تاوان دات۔
