اسلام آباد ۔ 4 فروری (اے پی پی) مزن وزیر ءِ صلاحکار برائے بیئپار عبد الرزاق داؤد ءَ گوشت کہ پاکستان تحریک انصاف ءِ حکومت ملکی برآمدات ءَ را گیش کنگ ءِ ھاترا سوگو ءِ گاماں چست کنگ انت۔یک جندی ٹی وی ءِ گوما گپ ءُُ تران کنان ءَ گوشت کہ اَستیں حکومت ملکی برآمداتی چیزانی دراجی ءِ ھاترا گہتریں گامانی ھوار گوزوکیں سال ءِ 27 بلین ڈالر ءِ برآمدی ٹارگٹءِ زورگ پہ جہد کنگ انت ءُُ مہ جزم دار انت کہ اے ٹارگٹ ءِ زورگ ءِ تہ سوبمند بباں۔دسمبر ءِ تہ ملکی برآمدات ءِ تہ 5 درسد ودکی ریکارڈ کنگ بوتگءُُ اے ھوالہ بازیں شریں گامگیج ھم چست کنگ بوتگ ات تنکہ ملکی برامدات ءِ کچ ءَ ودکی بیا ایت۔ھاسیں صلاحکار ءِ گوشگ ات کہ پی ٹی آئی ءِ حکومت ملکءِ مالی معاملہاں را گہتریں وڈ ءَ حل کنگ انتءُُ راجی معیشت ءَ را ودکی دیگ ءِ ھاترا بیئپاریءُُ برآمداتی کارانی تہ ودکی ءِ ھاترا سوگو ءِ گاماں چست کنگ انت۔آہاں گوشت کہ پاکستانی بیئپار ءُُ برآمداتی کارانی تہ ودکی ءِ ھاترا چین، جاپان، انڈونیشیا ءُُ دگہ ملک پاکستان ءَ گوں کمک کنگ انت۔یک جستے پسو ءَ آہاں گوشت کہ من ڈیسکون کمپنی یلہ داتگ ات ءُُ ایشی ءِ معاملہاں گوں منی ہچ سیادی نیست انت
