اسلام آباد ۔ 4 فروری (اے پی پی)مزن وزیر عمران خان ءَ پاکستان ءَ را گہبودی ریاست جوڈ کنگ ءِ جزم ءِ درشان کنان ءَ گوشت کہ جہلی تبکءَ را روزگار،تعلیم،جان سلامتی ءُُ انصاف ءِ پھجارگ مئے اولی دلگوشی انت،آوکیں روچاں گریبی ءِ ھلاسی ءِ ھاترا سرجم ءُُ سوگو ءِ نظام دیم آرگ بیت،کجام چاگرد ءِ دیمروئی ءِ ھاترا الم انت کہ نزورءُُ پشت کپتگیں تبکانی گہبود ءِ سرا دلگوشی ایر کنگ بیت،اَستیں حکومت اے ھوالہ چہ شریں گامءَ چست کنگ انت۔اے ھیالانی درشان آہاں دوشمبے ءَ اِدا مزن وزیر کارگِس ءِ تہ حقدارءِ مردمانی تہ صحت کارڈ ءِ برجاہی ءِ مراگش ءَ گوں تران کنان ءَ کتگ انت۔مزن وزیر ءَ گوشت کہ 70درسد گریب ھانداناں را دومی بہرءِ تہ صحت انساپ کارڈ جاڑی کنگ انت ایشی چہ لس مردمانی زند ءِ سرا گہتریں اثر کپ انت۔آہاں گوشت کہ لہتیں گریب مردم وتی گریبی ءِ سبب ءَ علاج کت مہ کنگ انت۔آہاں وتی مات ءِ بیرانی ءِ ھوالہ دیان ءَ گوشت کہ وھدیکہ منی مات ءَ را کینسر ءِ نادراہی ات تو ہما وھد ءَ پاکستان ءِ تہ کینسر ءِ ہچ نادراہجاھ نیست ات۔مزن وزیر ءَ گوشت کہ کینسر ءِ ھوار لہتیں نادراہیانی علاج دراجیں صبر کنگی بوھگ انت ایشی ءِ آسر ءَ گریبیں ھاندان وتی گِس ءُُ زیور ءَ بہادیگ انت۔آہاں گوشت کہ صحت کارڈ اگہ کسی کرءَ انت تو کم چہ کم آہاں را وتی ءُُ وتی ھاندان ءِ علاج ءِ فکر مہ بیت۔آہاں گوشت کہ فاٹا ءِ مہلوک ءَ باز نگیگ ءِ جاور دیستگ انت، قبائلی دمگانی ھاندانانی ھاترا جان سلامتی کارڈ جاڑی کن انت تاکہ آہاں را رلیف ملیت۔مزن وزیر ءَ گوشت کہ ڈاکٹر یاسمین راشد ھم جان سلامتی ءِ تک ءِ تہ کار کنگ انت ءُُ یک کروڑ کارڈ پنجاب ءِ تہ سر کن انت۔مزن وزیر ءَ ملک ءِ جاورھالءِ گپ جنان ءَ گوشت کہ اَستیں حکومت ٹیکسٹائل ءِ ھوار توامیں بیئپاری تک ءَ را آسراتی پھجارگ انت تنکہ ورناہاں را روزگار ءِ موہ رسیت۔ آہاں گوشت کہ ہمہ پالیسی جوڈ کنگ بوھگ انت کہ آہاں چہ ملک ءِ غربت ءِ تہ کمی بیت۔آہاں گوشت کہ درآمدات ءُُ برآمدات ءِ تہ پرک ءِ سبب ءَ ڈالر ءِ قدر برز ءُُ کلدار ءِ کیمت جہل بوتگ چریشی سبب ءَ مہلوک جنجالءِ دیمپان انت،مہ سرپد اوں ءُُ جاورھال ءَ را گہتر کنگ ءِ ھاترا گام چست کنگ انت۔مزن وزیر ءَ گوشت کہ آوکیں روچاں غربت ءِ ھلاسی ءِ مراگش دیما کارانت، محکمہ زکوۃ، بیت المال، بے نظیر انکم سپورٹ پروگرام ءَ را ھوار کت یک مھکمیں پروگرام دیما کارانت ایشی ءِ مول مردمانی زند برز کنگی انت۔آہاں گوشت کہ کجام چاگرد ہمہ وھد داں دیمروئی کت مہ کن ایت وھدیکہ جہلی تبکءِ سرا سرمایہ کاری نہ کنگ بیت،دگنیا ءِ بازیں ملک دیما شتگ ات پرچا کہ گوست ءِ تہ ایشی ءِ سرا دلگوشی مہ داتگ۔آہاں گوشت کہ دگہ تک آنی تہ گہتری ءِ نیمگا روگ انت،آف شور گیس ڈرلنگ ءِ بنداتی بوتگ انت ایشی ءِ مول ءُُ مراد گیش ءِ پیداواری ءِ تہ گہتری کنگی انت۔آہاں گوشت کہ منی ٹارگٹ ملک ءَ را فلاحی استان جوڈ کنگی انت تنکہ جہلی تبک ءَ را روزگار، تعلیم، صحت ءُُ انصاف مل ایت۔آہاں گوشت کہ غریب مردماں پہ انصاف ءِ پھجارگ ءِ ھاترا لیگل ایڈ ءِ فراہمی ءِ سرا چار ءُُ بچار کنگ انت۔ ایشی ءَ چہ پیسر ءَ حقداریں مردمانی تہ صحت کارڈ بہر ءُُ بانگ کتگ ات۔اے موہ ءِ سرا بنجاہی وزیر جان سلامتی ڈاکٹر عامر محمود کیانی ءَ انصاف کارڈ ءِ ھوالہ ءَ سرجمیں بریفنگ داتگ ءُُ سرپد کت کہ صحت انساپ کارڈ مراگش ءِ اولی بہر ءِ بنگیجی کنگ بوھگ انت ایشی چہ پشتءَ کپتگیں تبک ءِ 7لکھ 20ہزار کلدار ءِ تاں مپت علاج بیت۔آہاں گوشت کہ جان سلامتی ءِ تک ءِ گہتری ءِ ھاترا گام چست کنگ بوھگ انت،اسلام آباد ءِ تہ سئے نوکیں نادراھ جاء جوڈ کنگ بوھگ انت۔آہاں گوشت کہ آوکیں دوسال ءِ تہ دوءُُ نیم کروڑ ھاندانانءَ را صحت کارڈ پھجارگ بنت۔آہاں گوشت کہ پاکستانی راج مزن وزیر عمران خان ءِ سرا اعتماد کنگ انت ءُُ اے ھاترا آہاں کینسر ءِ مستریں نادراھ جاء جوڈ کتگ ءُُ گریب مردمانی علاج ءِ ھاترا ارباں کلدار ءِ عطیات ھم دیگ بوھگ انت۔آہاں گوشت کہ پشاور ءُُ کراچی ءِ تہ ھم کینسر ءِ نادراھ جاء جوڈ کنگ بنت،ایشی ءِ سرا مزن وزیر عمران خان ءِ جہد ستا ءِ لائق انت۔
