اسلام آباد ۔ 4 فروری (اے پی پی)ملک ءِ تہ سیاحتءِ دراجی،صوبگءُُ بنجاھ ءِ میان ءَ گہتریں رھوت،سیاحت ءِ ھوالہ گوں صوبائی ریگولیٹری فریم ورک ءِ ہڈ ،میاں اوستمانی تبک ءِ سرا ملکی سیاحت ءَ را دیم آرگ ءِ وڈیں ھاسیں مکسد ءِ ھاترا 25باسکی نیشنل ٹورازم کوآرڈینیشن بورڈ ءِ ہڈ دیگ ءِ منظوری داتگ وھدیکہ پی ٹی ڈی سی ءِ ری شفلنگ ءِ ھم پیسلہ کتگ۔دوشمبے ءَ مزن وزیر عمران خان ءِ سروکی ءَ ٹورازم ٹاسک فورس ءِ دیوان برجم دارگ بوتگ ایشی ءِ تہ بنجاہی وزیر ھالرسانی ءُُ شنگکاری چوہدری فواد حسین، وزیر برائے بین الصوبائی رابطہ ڈاکٹر فہمیدہ مرزا،ھاسیں کمکاراں افتخار درانی، ذوالفقار بخاری، صوبائی وزراء ءُُ ٹاسک فورس ءِ باسکاں بہر زوراتگ۔دیوان ءِ تہ سیاحت ءِ پراھی،صوبگ ءُُ بنجاھ ءِ میان ءَ رھوت ءِ دراجی دیگ،صوبائی حکومت ءِ کمکءَ گوں صوبگانی تہ سیاحت ءِ ھوالہ چہ ریگولیٹری فریم ورک جوڈ کنگ ،میاں اوستمانی تبک ءِ سرا ملکی سیاحت ءَ را دراجی دیگ ءِ وڈیں ھاسیں مکسد ءِ ھاترا نیشنل ٹورازم ءَ را کوآرڈینیشن بورڈ ءِ ہڈ دیگ ءِ منظوری داتگ۔ 25باسکاں ھوار نیشنل ٹورازم کوآرڈینیشن بورڈ بنجاہی وزارتءَ ، صوبائی محکمہ ءَ ءُُ جندی تک ءِ ٹورازم انڈسٹریءَ گوں بندوکیں مردماں ھوار بیت۔دیوان ءِ تہ پی ٹی ڈی سی ءِ ری اسٹرکچرنگ ءِ پیسلہ کنگ بوتگ وھدیکہ پی ٹی ڈی سی ءِ200 ارب ءِ مڈی ءَ را صوبگانی ھوالہ کنگ بنت۔پی ٹی ڈی سی نیشنل ٹورازم کوآرڈینیشن بورڈ ءِ ھاترا سیکرٹریٹ ءِ کار کن ایت۔دیوان ءِ تہ مذہبی ٹورازم، ایڈونچر ٹورازم، کلچرل، راجدپتری ءُُ آرکیالوجیکل ٹورازم، ایکو ٹورازم، ٹرانس ہمالیہ جیپ ریلی گروپ، انفراسٹرکچر ءُُ آسراتی، ریگولیٹری ءُُ پالیسی ریفارمز، سرمایہ کاری ءُُ ٹورازم برینڈنگ ءِ ھاتراھاسیں ورکنگ گروپ جوڈ کنگ ءِ پیسلہ کتگ۔مزن وزیر ءَ را ٹورازم ءِ ھوالہ ءَ چہ تنیگہ بوتگیں دیمروئی ءِ سرا بریفنگ دیان ءَ سرپد کتگ کہ خیبرپختونخوا ءِ تہ 20 نوکیں سیاحتی دمگ جوڈ کنگ ءِ کار برجاہ انت۔مزن وزیر ءَ را پشاور ءِ بالاحصار قلعہ ءَ را سیاحتی جاھ جوڈ کنگ ءِ سرا دیمروئی ءِ سرا ھم سرپدی دیگ بوتگ۔اے موہ ءِ سرا مزن وزیر ءَ گوشت کہ بالاحصارقلعہ ءَ را سیاحتی کارانی بنجل جوڈ کنگ بیت۔مزن وزیر ءَ کڈنی داتگ کہ پنجاب ءِ تہ 800 ءُُ خیبرپختونخوا ءِ تہ 157 ریسٹ ہاؤسز ءِ کمرشل کارمرزی ءِ ھاترا بند ءُُ بوج ءَ را گڈی دروشم دیگ بیت تنکہ ایکو ٹورازم سرا ھم ھاسین دلگوشی دیگ بیت۔
