اسلام آباد۔ 04 فروری (اے پی پی) نیامی ایشیائی ملک آتے ٹی 16پاکستانی چندی جیل تیٹی بند ءُ۔ مسہ مقدمہ ٹی سفارت خانہ غاک وکیل آتا خذمت ءِ ہلکونو، مشن بندی تتون رابطہ ٹی ءِ و کانود نا رداٹ بندی تا کمک ءِ کننگ انگ ءِ۔ وزارت خارجہ نا ذرائع نا رداٹ کرغزستان نا چندی جیل تیٹی 9 پاکستانی و قزاخستان نا جیل اٹی اسہ پاکستانی اس بند ءِ۔ ہنداوڑ تاجکستان نا جیل تیٹی 2پاکستانی و آذربائیجان نا چندی جیل تے ٹی 4 پاکستانی بند ءُ۔ وزارت خارجہ نا ذرائع نا رداٹ دا ملک آتے ٹی پاکستانی مشن مچ آ بندی تتون رابطہ ٹی ءِ، و اوفتے کانود نا رداٹ کمک فراوان کننگ انگ ءِ۔ ذرائع نا رداٹ نیامی ایشیائی ملک آتے ٹی بند پاکستانی ہرادوبہ غاتے ٹی ہلنگار اوفتے ٹی جعلی سفری دستاویزو ایلو ڈوہ ک اوار ءُ۔
