اسلام آباد ۔ 3 فروری (اے پی پی) پاکستان ءَ گوشت کہ پاک۔ بیلا روس دودیمی سیادی وت مہ وتی اعتماد ،شرپ ءُُ کمک ءِ سوگو ءِ بنیاتاں انت۔ دوئیں ملکانی میان ءَ سیاسی، بیئپاری،اقتصادی،کشت ءُُ کشاری،صنعت،جان سلامتی،دفاع،سائنس ءُُ ٹیکنالوجی ،ٹعلیم ءُُ ربیدگی ءِ لہتیں تکءَ کمک ترند بوھگ انت۔دفتر خارجہءِ گوشگ ءِ ردا یک شمبے ءَ پاکستان ءُُ بیلا روس ءِ میان ءَ سفارتی سیادی ءِ ہڈ دیگ ءِ25می بوتن روچ دارگ بوتگ اے درگت ءَ نیکیں واھشتانی کلوھ دیگ بوتگ ات۔پاکستان ءَ گوشت کہ گوستگیں 25سال ءِ تہ دوئیں ملکانی میان ءَ سیادی ءَ ھاسیں دیمروئی بوتگ ایشی ءِ آسر ءَ دوئیں ملکانی میان ءَ مزن تک ءَ راھوت ءَ ودکی بوتگ ءُُ سیاسی ،بیئپاری ،اقتصادی ،صنعت ،جان سلامتی ،دفاع ،سائنس ءُُ ٹیکنالوجی ،وانگ ءُُ زانگ ءُُ ربیدگی تک ءِ تہ کمک ءَ گیشی بوتگ۔پاکستان ءُُ بیلا روس ءِ میان ءَ اقوام متحدہ ءِ ھوار دگہ میاں اوستمانی فورمز ءِ سرا سوبمندءِ کمک ءَ را برجاہ داشتگ ات۔
