اسلام آباد ۔ 2 فروری (اے پی پی) بنجاہی وزیر پٹرولیمءُُ قدرتی وسیلگ غلام سرور خان ءَ گوشت کہ گوست ءِ حکومتانی کرپشن ءِ سبب ءَ گیس کمپنیانی ودکی بلانی بارمہلوک ءَ را سگ اتگ ات ایشی ءِ مارءَ باز اپسوز انت۔مہلوک ءَ را زوت رلیف ءِ پھجارگ ھاترا مہ گیس ءِ بلانی انسٹالمنٹ ءُُ کنکشن مہتل نہ کنگ ءِ کڈنی داتگ ات،آوکیں موسم سرما ءَ چہ پیسر تیل ءُُ گیس ءِ پولءِ تہ دیمروئی چہ مہلوک ءَ را دائمی رلیف رسیت۔ھپتگ ءَ اِدا پریس کانفرنس چہ تران کنان ءَ آہاں گوشت کہ بدبہتی ءَ گوں سیاست ءِ تہ راست گوشگ مہ بیت بلے مہ پیسلہ کتگ انت کہ راست گوشگ بیت ءُُ راستی مہلوک ءِ دیما آرگ بہ بیت۔آہاں گوشت کہ گوست ءِ حکومت ءِ گوشگ ات کہ مہ پنچ سالءِ تہ گیس ءِ بہا برز نہ کتگ بلے آہاں راج ءَ را اے سرپد مہ کت کہ مہ گرانیں بہا ءَ گیس ءَ گرگ ات ءُُ ارزاں بہا ءَ گیس ءَ دیگ ات ایشی ءِ آسر ءَ سوئی سدرن ءُُ سوئی ناردرن گیس پائپ لائن ءِ دوئیں کمپنی تاوان ءِ شکار ات۔ غلام سرور خانءَ گوشت کہ مئے حکومت ءَ وھدیکہ حاکمی سمبھالتگ ات تو دوئیں کمپنی 142ارب کلدار ءِ تاوان ءِ شکار ات۔اگہ مہ گیس ءِ بہا برز مہ کرتگ ات تو اے تاوان نوں 154 ارب کلدار ءَ سر بوتگ۔آہاں گوشت کہ ردیں سسٹم ءُُ گیس لیکیج ءِ سرا ہچ دلگوشی دیگ مہ بوتگ ایشی آسر ءَ 50ارب ءِ تاوان بوتگ۔یک جست ءِ پسو ءَ آہاں گوشت کہ ترکمانستان، افغانستان،ایران پاکستان (تاپی) گیس پائپ لائن ءِ منوگرایران گیس پائپ لائن ءِ معاہدہ ءُُ دگہ معاہدہ چہ ارزاں گیس پھجارگ بیت۔مزن وزیر ءِ ھاسیں کمکار برائے میڈیا افتخار درانی ھم غلام سرور خان ھم ھوار ات ،آہاں یک جستے پسو ءَ گوشت کہ ہچ وڈیں حال ءِ تصدیق ءِ ھاترا کارگس ءُُ آہانی پی آر او ساڑی بوھگ ات ،دروگیں حال شنگ کنگ چہ پیسر ءَ گہتر انت کہ حال ءِ تصدیق کنگ بیت۔
