اسلام آباد ۔ 2 فروری (اے پی پی) دری کارانی بنجاہی وزیر شاہ محمود قریشی ءَ گوشت کہ مہ صوبگانی واک ءَ پیسرءَ ھم منئگ ات ءُُ انوں ھم منئگ اوں،صوبگانی آئینی حقان ہچ ھطرہ نیست ات،مئے ہندستان ءِ تہی معاملہاں دست مانجنی ءِ ارادہ نیست انت،آن وتی معاملہاں پاکستان ءِ سرا مان مہ کن ایت،مہ اگہ کشمیر ءِ جیڈھ ءِ ھوالہ ءَ گوں میر واعظ عمر فاروق ءَ گوں رھوت کتگ تو ایشی ءِ تہ اے رنگیں گپ نیست انت۔ کشمیریک حل طلب جیڈھ انت ایشی ءَ را دیما آرگ چہ بھارت ءِ زہر گرگ ءِ ضلورت نیست ات۔ برطانیہ ءِ دارالعوام ءِ آل پارٹیز پارلیمانی گروپ ءِ نیمگا چہ کشمیر ءِ تہ بھارتی زلم ءُُ زوراکی ءِ ھلاپ ءَ برجمیں میاں اوستمانی کانفرنس ءِ تہ پاکستان ءِ گپ ءِ دیما پیش کنان ءَ بھارت ءِ مکروہ ءِ دیم دگنیا ءَ را پیدارگ بیت۔ھپتگ ءَ ملتان ءِ تہ میڈیا ءَ گوں گپ ءُُ تران کنان ءَ دری کارانی وزیر ءَ گوشت کہ انڈیا ءِ تہ ہمہ کہ حکومت کائیت اگہ آں پاکستان ءَ گوں ٹھیک چلیت پدا مہ ھم شری ءَ دیما روانت۔پاکستانی راج ءِ نپ ءُُ پائدگ ءِ ردا دری پالیسی جوڈ دیگ بہ بیت۔آہاں گوشت کہ گوستگیں لہتیں ماہ ءِ تہ سفارتی تبک ءِ سرا باز سوبمندی زورتگ انت۔اے مئے سفارتی سوبمندی انت کہ اے مردم پاکستان ءِ گپاں گوشدارگ نہ لوٹگ ات نوں گوں مئے ءَ گند ءُُ نند کنگ ءِ واھگدار انت۔سعودی عرب ءَ گوں سیادی ءِ تہ گہتری اتکگ انت۔ 19فروری ءَ سعودی عرب ءِ ولی عہد پاکستانءَ آھگ انت۔اُودا آں یک مزنیں زرکاری ءِ جار جن انتءُُ اے تروتابءَ را گیش مھکم کنگ ءِ ھاترا یک جامع لاحہ عمل جوڈ کن انت۔آہاں گوشت کہ پاکستان ءَ گوں گتر ءُُ امارات ءَ گوں سیادی ھم مھکم بوتگ ات۔ سعودی عرب امارات ءُُ قطر سئیں دوست ملک پاکستان ءِ تہ مزنیں کچ ءَ زرکاری ءِ تہ دلچسپی ءَ ایر کنگ انت۔اے ساعت ءَ بنجاہی پارلیمانی سیکرٹری مخدومزادہ زین حسین قریشی ، ملک واصف مظہر راں،دلیر خان مہار، دلبر خان مہار ، پیر مصدق شاہءِ ھوار پی ٹی آئی جہدکارانی مزنیں کچ ساڑی ات۔ایشی ءِ پیسر ءَ مخدوم شاہ محمود قریشی نامداریں سیاسی مردم مصری خان مہار(ھدامرزی) ءِ سالروچ ءِ تہ ساڑی بوتگ ءُُ دعا کنائینت ات،سالروچ ءِ تہ ہزاراں مردم ساڑی ات۔
