اسلام آباد ۔ یکم فروری(اے پی پی) مزن وزیر عمران خان ءَ گوں چائنہ مشینری انجینئرنگ کارپوریشن (سی ایم ای سی) ءِ بورڈ ءِ چیئرمین ژانگ چن ءُُ ہوان ڈی آر گروپ ءِ سروک ہوانگ ڈاؤ یوآن ءَ آدینگ ءِ روچ ءَ ادا گند ءُُ نند کت۔ سی ایم ایس سی ءِ چیئرمین ءَ مزن وزیر ءَ را گوستگیں وھد ءِ پاکستان ءَ گوں کمپنی ءِ نیمگ ءَ جتا جتائیں کتگیں منصوبگ ھاسیں رنگ ءَ ھاٹیگ ءِ شوبگ ءَ کتگیں منصوبگ آنی بابت ءَ سرپد کت۔ آئی ءَ مزن وزیر ءَ را جھنگ ءَ 1263 میگاواٹ پاور پلانٹ ءِ سر ءَ دیمروئی ءِ بابت ءَ سرپد کت ایش کہ سرجمی ءِ نزیک ءَ انت۔ سی ایم سی ءُُ ہوان ڈی آر گروپ ءِ مزن تک ءِ کارندہ آں نوکیں پاکستان ہاؤسنگ پروگرام ءُُ کشت ءُُ کشاری شوبگ ءَ گیش سرمایہ کاری کنگ ءَ وتی گران بھائیں واھشت آنی درشان کت۔
