مزن وزیر عمران خان ءَ گوں ملائیشیا ءِ ’’ایڈکٹو’’ گروپ ءِ چیئرمین بورڈ آف ڈائریکٹرز داتک عزت کمال الدین ءَ گوں تران

اسلام آباد۔ یکم فروری(اے پی پی)مزن وزیر عمران خان ءَ کاروبار ءِ تہ ءَ آسانی پیدا ک کنگ ءِ واستہ چست کتگیں گامگیج آناں سہرا کنان ءَ گوشت کہ ملک ءَ سرمایہ کاری ءَ را ھمک رنگ ءِ آسراتی پجارینگ بیت۔ آئی ءَ اے گپ ملائیشیا ءِ ’’ایڈکٹو’’ گروپ ءِ بورڈ آف ڈائریکٹرز ءِ چیئرمین داتک عزت کمال الدین ءَ گوں تران کنا ءَ کت آئی ءَ آدینگ ءِ روچ ءَ مزن وزیر ءَ گوں گند ءُُ نند کتگ ۔ ڈاکٹر نائیک راملا، سریش نارائن سنگھ سدھو ءُُ عارف حسین ھم اے موہ ءِ سر ءَ ساڑی اتنت۔ گند ءُُ نند ءَ ملائیشیا ءِ ہائی کمشنر اکران محمد ابراہیم، چیئرمین سرمایہ کاری بورڈ ہارون شریف ءُُ سیکرٹری سرمایہ کاری بورڈ احمد نواز سکھیرا ھم ساڑی ات۔ ایڈکٹو گروپ 100 ملین ڈالر ءِ استیں سرمایہ کاری ءَ را ٹاور انفراسٹرکچر ءَ وتی سرمایہ کاری ءِ تہ ءَ گیشی ءِ منصوبگ ءَ دار ایت، ایش آیوکیں سال ءَ 250 ملین ڈالر ءِ سرمایہ کاری ءَ را گیش ودینگ ءِ واھشت مند اِنت۔