اسلام آباد۔ یکم فروری(اے پی پی) سپیکر قومی اسمبلی اسد قیصر ءَ گوں وزیر برائے بین الصوبائی رابطہ ڈاکٹر فہمیدہ مرزا ءَ آدینگ ءِ روچ ءَ سپیکر گس ءَ گند ءُُ نند کت۔ گند ءُُ نند ءَ بنجاھ ءُُ صوبگ آنی نیام ءَ رابطہ ءَ ھوار ملک ءِ ھواریں سیاسی ءُُ معاشی جاور ھال آنی سر ءَ ھیال ریچی کنگ بوت۔ اے موہ ءِ سر ءَ تران کنان ءَ سپیکر ءَ گوشت کہ ملکی دیمروئی ءِ واستہ بنجاھ ءُُ صوبگ آنی نیام ءَ یکوئی ءُُ رابطہ ءِ کنگ المی اِنت آئی ءَ کسانیں صوبگ آنی جیڈھ آنی گیواری ءُُ آوانی بزگری ءِ ھلاس کنگ ءِ واستہ بنجاھ ءِ کرد ءِ پیلو کنگ ءِ ھوالگ ءَ گوشت۔ آئی ءَ گوشت کہ بزگری ءِ ھلاسی ءَ چہ کسانیں صوبگ ملک ءِ جوڑیشت ءُُ دیمروئی ءَ گہتریں کرد پیلو کت کن اَنت۔ سپیکر ءَ الس ءِ جان سلامتی جیڈھ آنی گیواری کنگ، وانگ ءُُ زانگ ءِ کد ءُُ بالاد ءِ گہتری ءِ سر ءَ ھاسیں دلگوشی دیگ، ورنا آناں لیب ءُُ گوازی ءِ موہ پجارینگ ءُُ سیل ءُُ سواد ءِ دیمروئی ءِ واستہ اول سر ءَ گامگیج چست کنگ ءِ ضلورت ءِ سر ءَ زور پر دات۔
