اسلام آباد۔ یکم فروری(اے پی پی)مزن وزیر عمران خان ءَ خیبرپختونخوا حکومت ءَ را کرک ءُُ ڈی آئی خان ءَ ورگی آپ ءِ جیڈھ ءِ گیواری ءِ واستہ پلان ءِ جوڑ کنگ ءِ پنت ءُُ شون کنان ءَ گوشت کہ صوبہ خیبرپختونخوا ءَ سیل ءُُ سوادی سک باز موہ است، سیل ءُُ سواد ءِ دیمروئی ءَ چہ نا ایوک ءَ صوبائی بلکینگ ءَ راجی معیشت ءَ را سیت رسیت۔ آئی ءَ اے گپ آدینگ ءِ روچ ءَ کوہاٹ ءُُ ڈیرہ اسماعیل خان ءَ گوں سیادی داروکیں پاکستان تحریک ءِ انصاف ءِ قومی اسمبلی ءِ باسک ءَ گوں گند ءُُ نند ءَ تران کت۔ گند ءُُ نند ءَ وزیر برائے کشمیر ءِ کار علی امین گنڈاپور، ممبر قومی اسمبلی شاہد احمد، نورین فاروق ابراہیم، شاندانہ گلزار ءُُ محمد یعقوب شیخ ھوار اتنت۔ اے موہ ءِ سر ءَ ھاسیں کمکار نعیم الحق، مزن وزیر ءِ ترجمان ندیم افضل چن ءُُ پی ٹی آئی ءِ سیکرٹری جنرل ارشد داد ھم گند ءُُ نند ءَ ساڑی اَت۔
