اسلام آباد۔ یکم فروری(اے پی پی) بنجاھی وزیر وانگ ءُُ زانگ شفقت محمود ءَ گوں فوجی فاؤنڈیشن ءِ منیجنگ ڈائریکٹر لیفٹیننٹ جنرل سیّد طارق ندیم گیلانی ءَ گند ءُُ نند کت۔ آدینگ ءِ روچ ءَ بوھوکیں گندءُُ نند ءَ فوجی فاؤنڈیشن ءِ منیجنگ ڈائریکٹر ءَ بنجاھی وزیر ءَ را گوشت کہ ما ریٹائرڈ فوجی ءُُ آوانی ھاندان ءَ وانگ ءُُ زانگ ، جان سلامتی ءُُ ایندگر آسراتی پجارین آں، فوجی فاؤنڈیشن بنجاھی ءُُ صوبائی حکومت آنی گوما یکجائی ءَ وانگ ءُُ زانگ، جان سلامتی، آئی ٹی ءُُ سکل ڈویلپمنٹ ءِ پڑ ءَ کا ر کنگ ءِ واھشت مند اِنت۔ بنجاھی وزیر شفقت محمود ءَ فوجی فاؤنڈیشن ءِ ازمت آناں ساڑات ءُُ گوشت کہ بنجاھی وزارت وانگ ءُُ زانگ ءُُ فوجی فاؤنڈیشن وانگ ءُُ سکل ڈویلپمنٹ ءِ پڑ ءَ کمک ءُُ شریکی کت کنت۔ آئی ءَ گوشت کہ مئے مول ءُُ مراد گیشاں چہ گیش زھگ آناں وانگ ءُُ زانگ ءُُ کزبی ھیل کاری پجارینگ اِنت، فوجی فاؤنڈیشن ءِ ھمک رنگ ءِ کمک ءَ کناں۔
