بنجاھی حکومت سندھ صوبگ ءَ سرمایہ کار آناں آسراتی پجارینگ ءَ اِنت، عبدالرزاق داؤد

کراچی۔ یکم فروری (اے پی پی)مزن وزیر ءِ مشیر برائے کامرس ، ٹیکسٹائل اینڈ انڈسٹری عبدالرزاق داؤد ءَ گوشت کہ بنجاھی حکومت سندھ ءَ سرمایہ کارآناں آسراتی پجارینگ ءَ انت۔ جاڑیگیں جار ءِ رد ءَ اے گپ آئی ءَ چیف سیکرٹری سندھ سید ممتاز علی شاہ ءَ گوں سندھ سیکرٹریٹ ءَ گند ءُُ نند ءِ ساھت ءَ کت۔ گند ءُُ نند ءَ سندھ ءَ ایز آف ڈوئنگ بزنس ءَ گہتری پیداک کنگ ءِ گامگیج آنی چار ءُُ تپاسی زورگ بوت۔ مشیر برائے کامرس، ٹیکسٹائل اینڈ انڈسٹری ءَ گوشت کہ کراچی پاکستان ءِ بزنس حب اِنت ایشی ءِ واستہ بنجاھی حکومت صوبگ ءَ کاروبار بندات کنوک آناں آسراتی پجارینگ ءَ انت۔ آئی ءَ گوشت کہ بنجاھی حکومت کراچی ءَ بزنس کمیونٹی ءِ واستہ جوانیں جاور پجارینگ ءَ انت۔ آئی ءَ سندھ حکومت ءِ کرد ءَ را ساڑات ءُُ گوشت کہ سندھ حکومت ءَ کاروبار بندات کنگ ءِ واستہ پیش آیوکیں جیڈھ آناں گیوار کتگ۔ چیف سیکرٹری سندھ سید ممتاز علی شاہ ءَ گوشت کہ سندھ ءَ کاروبار بندات کنگ ءِ گامگیج آناں گہتر کتگ، ایشی ءِ تہ ءَ گیشی جوانی آرگ ءِ واستہ 20 فروری ءَ سندھ بزنس پورٹل ءَ را لاؤنج کنگ بیت۔ سندھ بزنس پورٹل ءَ چہ بزنس کمیونٹی ءَ روا ون ونڈو آسراتی پجارینگ بیت۔