سر وزیر پنجاپ ءَ نالہ لئی ایکسپریس وے منصوبگ ءِ منظوری دات، ایشی ءَ بنگیج یکم مار چ ءَ کنگ بیت، شیخ رشید احمد

راولپنڈی۔ یکم فروری(اے پی پی) بنجاھی وزیر برائے ریلوے شیخ رشید احمد ءَ گوشت کہ سر وزیر پنجاپ ءَ نالہ لئی ایکسپریس وے منصوبگ ءِ منظوری دات ایشی ءِ بنگیج یکم مارچ کنگ بیت، ریلوے ءُُ پنجاپ پولیس ءِ پگار ھم کچ بنت، ٹکٹ ءَ ابید سپر کنوکیں مردم نوں جیل ءَ رونت، من بیست کروڑ مردم آنی لیکہ ءَ زور آں ءُُ پبلک اکوؤنٹس کمیٹی ءَ روگ ءَ آں ، جنگ ءِ واستہ نہ روگ ءَ آں، دو ماھ آنی نیام ءَ 34کروڑ کلدار کمائینتگ، ریلوے ءِ مساپر آنی تہ ءَ 20ءَ تاں 30درسد گیشی بوتگ۔ اے ھیالانی درشانی آنی ءَ شیخ رشید احمد ءَ آدینگ ءِ روچ ءَ راولپنڈی ریلوے اسٹیشن ءَ کلین ، گرین ءُُ وش زبانیں ریلوے گامگیج ءِ بنگیج کت۔ آئی ءَ گوشت کہ ریلوے ءِ راجدپتر ءَ اولی رند ءَ کلین اینڈ گرین گامگیج ءَ را چلائینگ ءَ آں، سپائی ایمان ءِ نیم بھر اِنت ءُُ کوشست کناں کہ پاکستان ریلوے ءِ درستیں ٹریک ھما کچ ءَ کہ بوت کنت بچار آں۔ آئی ءَ گوشت کہ شریں ھال اِت کہ نالہ لئی منصوبگ ءِ واستہ سر وزیر پنجاپ ءَ حکم جاڑی کتگ ایشی ءِ گستائی سواں دمگ ءَ چہ پشاور موڑ ءَ تاں روچ ءُُ یم مارچ ءَ اے منصوبگ ءِ ڈیزائن ءُُ پی سی ون ءِ پیسلہ کنگ بیت، ریلوے ءِ شکاست سیل جوڑ کنگ بوتگ ءُُ ایشی ءِ نمبر ھالتاک ءِ تہ ءَ دیگ بوتگ اَنت، شکاست سیل اسلام آباد ءَ جوڑ کنگ بوتگ ءُُ من ایشی ءِ نگرانی ءَ وت کناں ۔