پاکستان 2025ء ٹی دنیا نا گچین انگا، 2047ء ٹی 10 بھلا معیشت آتے ٹی اوار مریک، وزارت ڈٹ بندی، شونداری و اصلاحات

اسلام آباد۔ 01فروری (اے پی پی) پاکستان 2025ء ٹی دنیا نا گچین انگا و 2047ء ٹی 10 بھلا معیشت آتے ٹی اوار مریک، ساڑی حکومت نا گام گیج آتیان ملک ترندی اٹ شون ہلنگ ءِ ، حکومت چین پاکستان اقتصادی راہداری نا نیٹ ورک ءِ ودفنگ و اونا رفتار ءِ ترند کننگ نا فیصلہ کرینے، سی پیک ءِ پین گچین جوڑ کننگ کن داڈٹ اٹی مسٹ میکو ملک انا زرکاری ءِ ہم اوار کننگک، گوادر بندرگاہ ٹی آئل سٹی اس جوڑ کننگک۔ وزارت ڈٹ بندی ، شونداری واصلاحات نا کمامدارآک ’’اے پی پی‘‘ ءِ پاریر کہ سی پیک پاکستان ءِ دنیا نا گچین انگا ملک جوڑ کرینے۔ اوفک پاریر کہ پاکستان چین اتون اقتصادی راہداری نا تغ ءِ پورو کننگ تون اوار اوار تینا ورناانگا استاد آتا بڑزکو تعلیمی لائخی تا پوروی کن امریکہ تون علمی راہداری اس جوڑ کرسا 10 ہزار استاد آتا امریکی یونیورسٹی تے ٹی بڑزکو تعلیم و تربیت نا بست و بند ءِ کننگ ءِ ، انسانی و افرادی زرکاری نا داخہ بھلو تغ اس مہالو کس اس خنتنے۔