وزارت ڈٹ بندی ، شونداری و اصلاحات ہائر ایجوکیشن کمیشن نا شونداری ڈٹ آتے کن 11 ارب 80 کروڑ 50 لکھ روپئی جاری کرے

اسلام آباد۔ 01 فروری (اے پی پی) وزارت ڈٹ بندی، شونداری و اصلاحات سرکاری بشخ انا شونداری پروگرام تے ٹی ہائر ایجوکیشن کمیشن نا شونداری ڈٹ آتے کن جم وڑاٹ 11 ارب 80 کروڑ 50 لکھ روپئی آن زیات نا فنڈ جاری کرینے، حکومت ہائر ایجوکیشن نا شونداری کاریم تے کن اینخو نا مالی سال 30 ارب 96 کروڑ روپئی آن زیات نا فنڈ جتا کرینے۔ پلاننگ کمیشن نا کنڈآن جاری حساب وکتاب نا رداٹ حکومت پشین و خضدار اٹی زالبول یونیورسٹی تا تفنگ کن 8 کروڑ، سکھر آئی بی اے نا اپ گریڈیشن کن 5کروڑ 36لکھ، یونیورسٹی آف پونچھ راولاکوٹ اکن 5کروڑ، یونیورسٹی آف بلوچستان کوئٹہ کن 5کروڑ، یونیورسٹی آف ایجوکیشن لاہور کن 5کروڑ، نیشنل ٹیکسٹائل یونیورسٹی اسلام آباد کن 8 کروڑ، اسلامیہ یونیورسٹی بہاولپور کن 4کروڑ 60 لکھ ، پدسلوک آ علاقہ غاتے ٹی یونیورسٹی تا تفنگ کن 10 کروڑ، یونیورسٹی آف گجرات کن 10 کروڑ، ایئر یونیورسٹی اسلام آباد کن 8 کروڑ، ٹیکنالوجی ڈویلپمنٹ فنڈ اکن 16کروڑ، پبلک سیکٹریونیورسٹی تے کن 20 کروڑ، فاطمہ جناح ویمن یونیورسٹی راولپنڈی کن 11کروڑ 58 لکھ روپئی آن زیات نا فنڈ جاری کرینے۔