اسلام آباد۔ 01 فروری (اے پی پی) پاکستان تحریک انصاف نا مرکزی سیکرٹری جنرل ارشد داد پارینے کہ وزیراعظم عمران خان نا سرکڑدہ ہی ٹی زوت ملک معاشی تنکی آن پیش تمک۔ جمعہ نادے آ جاری کروک آ بیان اٹی اوپاکستان بناؤ سرٹیفکیٹس نا جاری کننگ آ حکومت ءِ مبارکبادی ترسا ڈٹ انا سرسہبی کن نیک است خواہی تا درشانی ءِ کرینے۔ اوپارے کہ بنجائی حکومت نا دا ڈٹ آن است بڈی نتیجہ غاتا گمان ءِ۔ ارشد داد پارے کہ ملکی معیشت نا تعمیر وخت انا اہم ءُ گرج اسے ، معاشی بدحالی پنجر نا بحالی کن بنجائی حکومت نا کنڈآن چست کروک آ گام گیج آک جوان ءُ بھرم اس تننگ ءُ۔ اوپارے کہ مون نا دور تے ٹی ہیبدار حکومتی پالیسی تا سوب معاشی ڈھانچہ ءِ بھاز بھلو نسخان اس رسینگا۔
