اسلام آباد۔ 01 فروری (اے پی پی) وزارت خارجہ ٹی بلوچستان کوٹہ غا 24آفیسر و 59 ملازم خذمت سرانجام تننگ ءُ۔ وزارت خارجہ نا ذرائع نا رداٹ گریڈ 17 و اوکان بڑز انا آفیسر آتا ریکرونمنٹ فیڈرل پبلک سروس کمیشن قاعدہ و ضابطہ ءِ مون آ تخسا بلوچستان کوٹہ نا رداٹ بھرتی کرینے۔ ذرائع اسہ سوج اسے نا ورندی ٹی پارے کہ ہراپوسٹ آک وزارت خارجہ ٹی خورک ءُ ، اوفتے پُر کننگ کن اسٹیبلشمنٹ ڈویژن آن این او سی نا خواست کننگانے، ہندن کہ این او سی ملک ، بھرتی نا عمل ءِ بناکننگک۔ اسہ پین سوج اسے نا ورندی ٹیی ذرائع پارے کہ 24آفیسر ہراکہ بلوچستان کوٹہ نا رداٹ وزارت خارجہ ٹی خذمت سرانجام تننگ ءُ اوفتے ٹی گریڈ 17 و 22 نا آفیسر اوار ءُ وخت اس کہ 59 ملازم گریڈ اسٹ آن 16اسکان اوار ءُ۔
