مزن وزیر عمران خانءَ ’’ پاکستان بناؤ سرٹیفکیٹ ‘‘ دیما آؤرتگ

اسلام آباد۔31جنوری (اے پی پی) مزن وزیر عمران خان ءَ پنچ شمبے ءِ روچءَ یک مراگشے ءَ ’’ پاکستان بناؤ سرٹیفکیٹ ‘‘دیما آؤتگ۔ اے پہ ڈنی ملکی پاکستانی آں زرکاری کنگءِ یک جوانیں موہ اِت۔ اے سرٹیفکیٹ ڈنی ملکی پاکستان ءِ مردماناں پہ وتی ملک ءِ معاشی دیمروئی دیئگءَ وتی کردءِ پیلو کنگءِ جوانیں موہ دیئگءَ اِنت۔ اے سرٹیفکیٹ ءَ چہ ملک ءِ سماجی ءُ اقتصادی دیمروئی ءِ ھاترءَ زرمبادلہ ہم حاصل بیت۔ ’’ پاکستان بناؤ سرٹیفکیٹ ‘‘سے ءُ پنچ سالءِ میاد ءِ ھاترءَ زورگ بیت ۔ اے ہاسیں کارڈ ہاس پہ ڈنءَ نندوکیں پاکستانی آں جوڑ کنگ بوتگ کہ ایشیءِ تہا کم چہ کم زرکاری ءِ شرح 5ہزار ڈالر ایر کنگ بوتگ، سرٹیفکیٹ ءِ ردءَ پہ سے سالانی ھاترءَ ایشی ءِ سرءَ منافع ءِ شرح 6.25ءُ پنچ سالانی ھاترءَ منافع ءِ شرح 6.75درسد ایر کتگ۔ زرکاری کنگءِ اے وڑءُ پیم ارزان اِنت، ڈنءِ پاکستانی تنج پورٹل www.pakistanbanaocertificates.gov.pk ءِ وسیلگءَ چہ زرکاری کت کن اَنت۔ پہ بنداتءَ زرکاری کنوکاں جتائیں پجّار نمبرے جاڑی بیت۔