مزن وزیر عمران خان ءِ ’’ پاکستان بناؤ سرٹیفکیٹ‘‘ ءِ دیما آرگ ءِ مراگشءَ گوں تران

اسلام آباد۔31جنوری (اے پی پی ) مزن وزیر عمران خان ءَ ’’ پاکستان بناؤ سرٹیفکیٹ‘‘ دیما آؤرتگ ءُ ڈنی ملکی پاکستانی آں گیشاں چہ گیش اے سکیم ءَ زرکاری کنگءِ دزبندی کتگءُ گشتگ کہ ایشی ءَ چہ ڈنی ملکی پاکستانی ملکی دیمروئی ءَ وتی کردءَ پیلو کت کن اَنت، ’’ پاکستان بناؤ سرٹیفکیٹ‘‘ ءَ ڈنی ملک پاکستانی آنی زرکاری کنگءَ چہ مالی جیڑہءُ جنجال ہلاس بوت کن اَنت، انوگیں حکومت زرکاری ءَ را گیش کنگءَ ارزانی پیداک کنگءَ اِنت کہ ڈنی ملکی پاکستانی ارزانی ءَ گوں زرکاری بہ کن اَنتءُ ملک ءَ را معاشی دیمروئی دیئگءَ وتی کردءَ پیلو بہ کن اَنت تنکہ سرجمیں دنیاءَ پاکستان ءِ شرپ ءُ عزت گیش بہ بیت۔ آ پنچ شمبے ءِ روچءَ پہ ڈنی ملکی پاکستانی ’’ پاکستان بناؤ سرٹیفکیٹ‘‘ دیما آرگ ءِ مراگشءَ گوں تران کنگءَ بوتگ۔ اے ہاسیں کارڈ ہاس پہ ڈنءَ نندوکیں پاکستانی آں جوڑ کنگ بوتگ کہ ایشیءِ تہا کم چہ کم زرکاری ءِ شرح 5ہزار ڈالر ایر کنگ بوتگ، سرٹیفکیٹ ءِ ردءَ پہ سے سالانی ھاترءَ ایشی ءِ سرءَ منافع ءِ شرح 6.25ءُ پنچ سالانی ھاترءَ منافع ءِ شرح 6.75درسد ایر کتگ۔ زرکاری کنگءِ اے وڑءُ پیم ارزان اِنت، ڈنءِ پاکستانی تنج پورٹل ءِ وسیلگءَ چہ ہم گیشاں چہ گیش 15ءَ زرکاری کت کن اَنت۔ آئیءَ گشتگ کہ ’’ پاکستان بناؤ سرٹیفکیٹ‘‘ ءِ منافعءِ سرءَ ٹیکس نہ لگ ایتءُ منافع ڈالرءُ کلدار دوئیناں دیئگ بنت۔ مزن وزیر ءَ مراگشءَ گوں تران کنان ءَ گشتگ کہ پہ اوورسیز پاکستانی آں ’’ پاکستان بناؤ سرٹیفکیٹ‘‘ جوڑ کنگءَ اسد عمر ءُ آئیءِ ٹیم ءَ را مراد باد دیاں۔