بنجاھی وزیر اھوالکاری ءُُ شنگ کاری چوہدری فواد حسین ءِ مزن وزیر عمران خان ءِ سروکی ءَ بنجاھی کابینہ ءِ دیوان ءَ پد میڈیا ءَ را بریفنگ

اسلام آباد۔ 31 جنوری (اے پی پی) بنجاھی کابینہ ءَ حج پالیشی 2019، دروگیں اکاؤنٹس آنی جیڈھ ءِ سر ءَ سی سی ایل ءَ ھوار 172 مردم آنی تہ ءَ 32 ءِ نام چار ءُُ تپاسی کمیٹی ءَ را روان دیگ، کراچی انفراسٹرکچر دڈیولپمنٹ کمپنی کابینہ ڈویژن ءِ چیر دست کنگ، 29ہزار انٹرنیز آناں وظیفہ ءِ دیگ ءِ واستہ مزن وزیر یوتھ ٹریننگ پروگرام ءِ گرانٹ، ڈپٹی گورنر سٹیٹ بینک ءِ ٹرم اینڈ کنڈیشنز وھدیکہ حفیظ پاشا ءُُ نوید حامد ءَ را مانیٹری پالیسی کمیٹی ءَ ممبر ءِ بستار، خرم حسین ءَ را پاک لیبیا ہولڈنگ کمپنی ءِ سی ای او، عدنان آفریدی ءَ را این ایم ٹی ءِ ایم ڈی کنگ ءِ منظوری داتگ، مزن وزیر ءِ ھاسیں کمکار ڈاکٹر عشرت حسین ءَ ادارگ ءِ بابت ءَ رپوٹ پیش کت۔ مزن وزیر عمران خان ءِ وزارت ءِ نیک راھی کار آناں پنت ءُُ شون دیگ بوت کہ حج 2019ءِ واستہ دروری انتظامی ءَ را دل یکیمی کنگ بہ بیت، ویزہ رجیم ءَ بھارت ءِ بی کیٹگری ءَ ایر کنگ بوتگ، بھارت ءِ ویزہ آن آرئیول ءِ آسراتی دیگ نہ بوھگ ءَ انت، یو اے ای ءَ پد سعودی ولی زمانگ ھم پاکستان ءِ تر ءُُ تاب ءَ کنت، آصف علی زرداری ءِ نام ای سی ایل ءَ مان بیت۔ بنجاھی وزیر اھوالکاری ءُُ شنگ کاری چوہدری فواد حسین مزن وزیر عمران خان ءِ سروکی ءَ بنجاھی کابینہ ءِ دیوان ءَ پد میڈیا ءَ را بریفنگ دیگ ءَ اَت۔ بنجاھی وزیر چوہدری فواد حسین ءَ گوشت کہ بنجاھی وزیر ھزانگ اسد عمر ءِ ’’معیشت‘‘ ءِ بابت ءَ سرجمیں بریفنگ ءَ چہ کابینہ ءِ دیوان ءِ بنگیج کنگ بوت، 2018ءَ پی ٹی آئی ءِ حکومت ءَ را ھما ’’معیشت‘‘ میراس ءِ رنگ ءَ رستگ اَنت ایشی ءِ تہ ءَ مرچی مزنیں کساس ءَ گہتری کنگ بوتگ، حکومت ءَ مشکلیں پیسلہ کنان ءَ زوت وام آنی دیگ بندات کت ءُُ اے کشاں چیل ءَ را کم کت، اے رنگ ءُُ گام آنی تہ ءَ دیم ءَ جنزگ لوٹ آں۔ آئی ءَ گوشت کہ بنجاھ یک سال ءِ نیام ءَ 5ہزار 571بلین ءِ ٹیکس یکجاہ کنت، ھژدھمی ترمیم ءَ پد ھمک 10کلدار ءِ تہ ءَ 6کلدار صوبگ آنی کراّ روت ءُُ ایوک ءَ چار کلدار بنجاہ ءِ کراّ پشت کپ ایت، سرجمیں 18ھژدھمی مٹ ءُُ بدلی ءِ ھلاپ ءَ نہ اَنت، 18ھژدمی مٹ ءُُ بدلی ءَ 100آرٹیکلز اَنت ایشانی تہءَ مٹ ءُُ بدلی کنگ بوتگ ایشانی تہءَ صوبگ آناں وت مستر کنگ ءَ ھوار مٹ ءُُ بدلی وا شر اَنت بلے ہائیر ایجوکیشن، جان سلامتی ءَ وار ایندگر شوبگ صوبگ آناں دیگ ءَ پد میاں اوستمانی تک ءَ جیڈھ آں چہ ما ڈن در کپتگ آں، ایشانی سر ءَ چار ءُُ بچار بہ بیت۔