اسلام آباد۔31جنوری (اے پی پی) پاکستان ءَ دری کارانی وزیر ءَ بھارت ءِ میر واعظ عمر فاروق ءَ را ٹیلی کنگءِ بھتان ءَ را نہ من اِتگءُ گشتگ کہ نئی دہلی ءَ پاکستانی ہائی کمشنر ءِ لوٹگ بھارت ءِ سیاسی پندلے ءُ آؤکیں گچین کاری ءَ وتی نام ءَ روژناہ کنگءِ کوشست اِنت، بھارت وتی جیڑہ آں پاکستانءِ سرءَ دور مہ دنت، کرتار پور ءِ سرءَ بھارت ءِ کرد لگوری کرد اِت، بھارت ءِ نیمگءَ چہ میر واعظ عمر فاروق ءَ را ناشرکار گشگ ءَ ر اما ایر جن اَنت، پاکستان کشمیری اُلسءِ وت واجہیءِ حق ءِ گپءَ کنت، شاہ آمید گس ءِ فیصلہ ءَ پد آسیہ بی بی آزات اِنت، آ اگاں پاکستانءَ نیندیت یا ڈنی ملک ءَ رؤت شت کنت، طالبان ءُ اوگان حکومت ءِ وت مہ وتءِ جیڑہ اِنت۔ پنچ شمبے ءِ روچءَ شونشت ءَ بازیں جستانی پسو داتگءُ دری کارانی جارچین ڈاکٹر محمد فیصل ءَ دری کارانی وزیر میر واعظ عمر فاروق ءَ را ٹیلی فون ءِ سرءَ بھارتی اعتراض ءَ نہ من اِتگ ءُ گشتگ کہ کشمیر ءِ جیڑہ ءِ سرءَ کشءُ چیل کنگ بوہگءَ اِنت نئی دہلی ءَ پاکستانی ہائی کمشنر ءَ را لوٹگ جماعت ءِ بھارتی گچین کاریءَ وتی نامءَ روژناہ کنگءِ کوشست اِت،بھارت وتی جیڑہ آں پاکستانءِ سرءَ دور مادنت۔
