اسلام آباد۔31جنوری (اے پی پی ) دری کارانی وزیر مخدوم شاہ محمود قریشی ءَ مسقط ءَ اومان ءِ اوقاف ءُ مذہبی کارانی وزیر شیخ عبداللہ سالمی ءَ گوں گندءُ نند ۔ گپءُ تران ءَ عالم اسلام ءِ جیڑہءُ جنجال ءُ خطہ ءِ جاورھال ءُ دونیمگی کارانی سرءَ حیالءُ لیکہ ءِ درشانی کنگ بوتگ۔ دری کارانی وزیر شاہ محمود قریشی ءَ گشتگ کہ پاکستان ءُ اومان ءِ نیامءَ کوّنیں مذہبی، دودءُ ربیدگی سیادی اَست۔ آئیءَ گشتگ کہ اومان ءَ بین المذاہب رواداری دادءُ سلام دیئگ بیت ءُ اسلام ہم ہمے وت مہ وتی ءِ درسءَ دنت۔ دوئیں رھشوناں پاکستانءُ اومان ءِ نیامءَ یکے دومی ءِ گورءَ ڈل دیم دیئگءِ سرءَ گپ ءُ تران کتگ۔
