اسلام آباد۔ 31 جنوری (اے پی پی) بنجاھی وزیر ھزانگ اسد عمر ءَ گوشت کہ در ملکی یک شل ءَ سرمایہ کاری استیں حکومت ءِ ترجی آنی تہ ءَ ھوار اِنت، در ملکی سرمایہ کار آناں ھمک رنگ ءِ آسراتی پجارینگ ءِ واستہ جزمیگ آں۔ اے گپ آئی ءَ پاکستان ءَ ہالینڈ ءِ ڈپٹی سفیر جوزفین فرینٹزن ءَ گوں گپ ءُُ تران کنان ءَ کت آئی ءَ پنچ شمبے ءِ …
بنجاھی وزیر ھزانگ اسد عمر ءِ پاکستان ءَ پالینڈ ءِ ڈپٹی سفیر جوزفین فرینٹزن ءَ گوں گپ ءُُ تران
گیشتریں ھال
اسلام آباد۔ 31 جنوری (اے پی پی) بنجاھی وزیر ھزانگ اسد عمر ءَ گوشت کہ در ملکی یک شل ءَ سرمایہ کاری استیں حکومت ءِ ترجی آنی تہ ءَ ھوار اِنت، در ملکی سرمایہ کار آناں ھمک رنگ ءِ آسراتی پجارینگ ءِ واستہ جزمیگ آں۔ اے گپ آئی ءَ پاکستان ءَ ہالینڈ ءِ ڈپٹی سفیر جوزفین فرینٹزن ءَ گوں گپ ءُُ تران کنان ءَ کت آئی ءَ پنچ شمبے ءِ روچ ءَ وزارت ءِ ھزانگ ءَ آئی ءَ گوں گند ءُُ نند کت۔ گند ءُُ نند ءِ ساھت ءَ ڈچ کمپنی آنی نیمگ ءَ پاکستان ءَ سرمایہ کاری منصوبگ آنی ھوالگ ءَ کار آنی سر ءَ ھیال ریچی کت۔ ڈپٹی سفیر ءَ وزیر ءِ ھزانگ ءَ را سرپد کت کہ ہالینڈ ءِ مزن تک ءِ 2ڈل سرمایہ کاری ءِ موہ آنی چار ءُُ تپاسی ءِ رد ءَ زوت پاکستان ءَ کئیت۔ وزیر ءِ ھزانگ اسد عمر ءَ گوشت کہ حکومت ءِ سیٹ ءِ گرگ ءَ پد ملکی معیشت ءَ را برجم کنگ ءِ واستہ بنیاتی کوکا ءِ سر ءَ کار بندات کت۔ آئی ءَ ڈچ کمپنی ءِ منصوبگ آناں وش اتک کنان ءَ کت در ملکی یک شل ءَ سرمایہ کاری استیں حکومت ءِ ترجی آنی تہ ءَ ھوار اِنت ءُُ حکومت در ملکی سرمایہ کاری ءَ را ھمک رنگ ءِ آسراتی ءَ را پجارینگ ءِ واستہ جزمیگ اِنت۔ وزیر ءِ ھزانگ ءَ گوشت کہ حکومت ءَ انوں زوتاں یک پیکج ءِ ئے جار جتگ ایشی ءِ بنیاتی مول ءُُ مراد کاروبار ءِ تہ ءَ آسانی آنی تہءَ گیشی ءُُ ھندی ءُُ در ملکی سرمایہ کار ی ءِ واستہ جوانیں موسم ءِ پجاری ءَُ ایشاناں دل یکیم کنگ اِنت۔
