اسلام آباد۔ 31 جنوری (اے پی پی) مزن وزیر ءِ ھاسیں کمکار برائے ورنا آنی کار محمد عثمان ڈار ءَ انٹرنیشنل لیبر آرگنائزیشن (آئی ایل او) ءِ گوما وت مہ وتی کمک ءِ موہ آنی پٹ ءُُ پول ءِ وستہ آئی ایل او ءِ ھیل کاری ءُُ مزدگری ءِ بلدکار گبرائیل بورڈوڈو ءَ گند ءُُ نند کت ایشی ءِ تہ ءَ ورنا آناں ملک ءِ اندر ءَ ءُُ ڈن ملک …
مزن وزیر ءِ ھاسیں کمکار برائے ورنا آنی کار محمد عثمان ڈار ءَ گوں آئی ایل او ءِ ھیل کاری ءُُ مزد گری ءِ بلدکار گبرائیل بورڈ وڈو ءِ گند ءُُ نند
گیشتریں ھال
اسلام آباد۔ 31 جنوری (اے پی پی) مزن وزیر ءِ ھاسیں کمکار برائے ورنا آنی کار محمد عثمان ڈار ءَ انٹرنیشنل لیبر آرگنائزیشن (آئی ایل او) ءِ گوما وت مہ وتی کمک ءِ موہ آنی پٹ ءُُ پول ءِ وستہ آئی ایل او ءِ ھیل کاری ءُُ مزدگری ءِ بلدکار گبرائیل بورڈوڈو ءَ گند ءُُ نند کت ایشی ءِ تہ ءَ ورنا آناں ملک ءِ اندر ءَ ءُُ ڈن ملک ءَ گہتریں مزدگری موہ ءِ پجاری ءِ کار ءِ باروا چار ءُُ بچار کت۔ گند ءُُ نند ءِ تہ ءَ تپاک کنگ بوت کہ انٹرنیشنل لیبر آرگنائزیشن نا ایوک ءَ مزن وزیر یوتھ پروگرام گیشاں چہ گیش کمک کنت بلکینگ ءَ ھیل کاری کد ءُُ بالاد ءَ را گہتر کنگ ءُُ اے شوبگ ءِ وستہ پالیشی تیاری آنی تہ ءَ ھمبراہ داری کنت اِنت۔ مزن وزیر ءَ ھاسیں کمکار برائے ورنا آنی کار محمد عثمان ڈار ءَ گہتریں مزدگری ءِ ازمکاری ءَ را پجارینگ ، ورنا آنی گہبود ءُُ وشھالی ءِ وستہ مزن وزیر یوتھ پروگرام ءِ گوما یکجائی ءَ انٹرنیشنل لیبر آرگنائزیشن(آئی ایل او ) ءِ جزم ءِ توسیپ کت۔
