قومی کشمیر کانفرنس (اینو) ایوان قائد فاطمہ جناح پارک اٹی مریک

اسلام آباد۔ 31جنوری (اے پی پی) کشمیری الس تون یکجہتی نا درشانی کن قومی کشمیر کانفرنس (اینو) جمعہ نادے آ پیشیم نا 3بجہ غا ایوان قائد فاطمہ جناح پارک اٹی اڈ ہلیک۔ صدر آزاد کشمیر سردار مسعود خان و بنجائی وزیر امور کشمیر گلگت بلتستان علی امین گنڈاپور کانفرنس نا مہمان خاص مریرہ۔ کانفر نس نا بست و بند ءِ ہردے ئی پاکستان آبزرور نظریہ پاکستان کونسل نا اواری اٹ کرینے۔ کانفرنس آن کشمیر نا ہڑتوم آ بشخ و پاکستان آن سرکڑدہ شخصیت آک کانفرنس اٹ گپ و تران کیرہ۔ کانفرنس نا اڈتننگ نا مسخت جہانی کہول آ مظلوم کشمیری تا توار ءِ سرکننگ و بھارتی بیدادی نا برخلاف جہانی کہول آ رائے عامہ ءِ بیدار کننگ نا ءِ۔ داوخت آ کشمیری الس آ بھارتی جبر و تشدد آ مبنی پوسٹر آتا نمائش اس ہم اڈتننگ انگ ءِ ہرا 10 فروری اسکان برجاسلک۔