اسلام آباد۔ 31جنوری (اے پی پی) پارلیمنٹ نا پبلک اکاؤنٹس کمیٹی (پی اے سی) نیو اسلام آباد انٹرنیشنل ایئر پورٹ نا پن ءِ اول سرآن نیو بے نظیر انٹرنیشنل ایئر پورٹ کننگ نا سفارش کرینے۔ پنچ شنبے نادے آ پی اے سی نا دیوان اٹی ایوی ایشن ڈویژن نا آڈٹ اعتراض آتا جاچ اٹی مسکوہی وزیراعظم راجہ پرویز اشرف و سردار نصر اللہ دریشک پارے کہ نیو اسلام آباد انٹرنیشنل ایئرر پورٹ نا اولیکو پن بے نظیر ایئر پورٹ ءِ ، ہنداخاطران دانا پن ءِ نیو بے نظیر بھٹو انٹرنیشنل ایئرپورٹ تخنگے۔ پی اے سی نا چیئرمین دا ڑ ا غٹ باسک آتا سلاہ ءِ ہلک۔ سینیٹر شبلی فراز پارے کہ ننے داڑا ہچ ءُ اعتراض اس اف ولے بیرہ سیاست دان تے ہی آخا غٹ قومی ہیر وتے خراج عقیدت پیش کروئی مرے۔ پی اے سی نا غٹ باسک آک سفارش کریر کہ اسلام آباد انٹرنیشنل ایئر پورٹ نا پن ءِ اول سرآن بدل کرسا نیو بے نظیر انٹر نیشنل ایئر پورٹ تخنگے۔
