سردار ایاز صادق ناجاگہ غا خواجہ سعد رفیق ءِ پی اے سی نا باسک جوڑ کننگ کن اسپیکر ءِ نوشتہ کرسا رادہ کرینن، قائد حزب اختلاف شہباز شریف

اسلام آباد۔ 31 جنوری (اے پی پی) قومی اسمبلی ٹی قائد حزب اختلاف شہباز شریف پارینے کہ سردار ایاز صادق نا جاگہ غا خواجہ سعد رفیق ءِ پی اے سی نا باسک جوڑ کننگ کن اسپیکر آ نوشتہ کرسا رادہ کرینن۔ جمعہ نادے آ پارلیمنٹ ہاؤس آ سرمننگ آ ذرائع ابلاغ نا سوج آتا ورندی ٹی اوپارے کہ کنا طبیعت جوان ءِ، مخ خل کیک، دعا کبو اللہ خیر ءَ کیک۔ ڈاکٹر نا پاننگ ءِ کہ ایکسر سائز و فزیو تھراپی آن افاقہ مریک۔ اسہ سوج اسے نا ورندی ٹی شہباز شریف پارے کہ سردار ایاز صادق نا جاگہ غا خواجہ سعد رفیق ءِ پی اے سی نا باسک جوڑ کننگ کن اسپیکر ءِ نوشتہ کرسا راہی کرینن۔ شیخ رشید احمد ءِ پی اے سی نا باسک جوڑ کننگ نا سوج آ او ورندی تننگ آن پاناد کرے۔