کوئٹہ۔ 31 جنوری (اے پی پی) ایڈمنسٹریٹر میٹروپولیٹن کارپوریشن کوئٹہ فاروق احمد لانگو پارینے کہ گدرینگوک آ چارسال اٹی کوئٹہ شار انا گچینی کن ہچ ءُ شونداری کاریم اس متنے، تجاوزات آتا برخلاف کارروائی ٹی ہچ کس نا زور ءِ منپنہ، کوئٹہ شار اٹی صفائی مہم اسے نا بناءِ کرینن، زوت شاریک کوئٹہ نا شار اٹی بدلی محسوس کیرہ، 150 ہمو ملازم آک ہرا اُراتے ٹی تولوک تنخواہ ہلنگ ءُ اوفتے نوٹس جاری کننگانے۔ داخیال آتا درشانی ءِ او پنچ شنبے نادے آ تینا دفتر اٹی پریس کانفرنس آن تران کرسا کرے۔ ایڈمنسٹریٹر میٹروپولیٹن کارپوریشن کوئٹہ فاروق احمد لانگو پارے کہ اسہ ہفتہ اس مست چارج ءِ سنبھالانٹ ہلہلئی بنداو تیا کوئٹہ شار اٹی شونداری کاریم تا بناءِ کرینن بدبختی اٹ مستین اٹی اگہ ڈٹ بندی نا رداٹ کاریم مسکہ تو اینو داوڑ پِر کننگ تون مچ آ نظام درہم برہم متوکہ اوپارے کہ کوئٹہ شار اٹی پِر کننگ تون نالیک بند مرسا غٹ پِر انا دیرک کسر آتیا بسر سیورج نا نظام پورو فیل مسنے داسہ نن ہلہلئی بنداو تیا شار اٹی صفائی مہم اسے نا بناءِ کرینن ہرانا نتیجہ ءِ الس اسہ اِراہفتہ ٹی محسوس کیک، مچ آ کوئٹہ نا شار ءِ فوکس کننگانے تانکہ مستین اٹی لٹل پیرس پاروک آ شار انا زیبائی ءِ دُوارہ بحال کننگ مرے، اوپارے کہ مستین اٹی کوئٹہ شار آ ارب آ روپئی خڑچ مس ولے عملی وڑاٹ ہچ اس نظر بفننگ ءِ ، تجاوزات آتا برخلاف کارروائی برجاسلک، کس اسے نا سفارش و زور ءِ امنا کپنہ، اوپارے کہ پوریا گر برادری آن کمک نا خواست ءِ کہ اومیت ءِ کہ او ننے مایوس کپسہ، اسہ سوج اسے نا ورندی ٹی پارے کہ میٹروپولیٹن کارپوریشن اٹی بھازانگا ہندن ءُ ملازم ارے ہرا اُراٹی تولوک تنخواہ ہلنگ ءُ داسہ دُن مفک، اوپارے کہ ننے غٹ ءِ اواری اٹ کوئٹہ شار انا زیبائی کن کاریم کروئی مریک میڈیا نا مثبت تنقید نا خیرمقدم ءِ کینہ۔
